為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 理財  > 投資攻略 2011 年 04 月 07 日

前美聯猛將 任一太住宅部頭頭

早兩期一言喺度跟大家講,話第一太平戴維斯計劃擴展九龍區豪宅業務,仲殺到落街舖,以高價租用九龍塘羅福道間屋做旗艦舖。當時一太大中華區行政總裁李偉文大聲講,未來五年會開二十間分行。

言猶在耳,李偉文近日已經請咗九龍住宅部嘅一哥,係邊個?原來係昔日統領美聯(1200)九龍區個董事羅國安。羅生喺美聯做咗成廿年,當年美記喺九龍只係得幾家舖,佢一手一腳將九龍部門擴大到高峰時分行近百,管理嘅經紀過千人,好多美聯高層,當年都係跟羅生搵食。好似美聯一姐郭玉滿,十年前只不過係做一手嘅街霸,羅國安相中佢夠搶夠拼勁,提拔佢做經理,自此郭小姐先平步青雲。

幾年前羅國安離開美聯,去咗恒基做高層,後尾因為家事而休息咗一段時間,今次再度重出江湖,要再創高峰。

一太邀得前美聯董事羅國安加盟,勢將大搞九龍住宅部。