為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 04 月 07 日

陸叔明年要做大壽

梁振英係英皇書院畢業,原來香港第一代名嘴陳永陸都係英皇仔,仲係振英哥個學長,高過振英兩屆;至於前恒生(0011)行政總裁柯清輝,都係英皇仔,高過陸叔三屆。

唔講唔知,陸叔明年係六十大壽,睇佢經常面色紅潤,皮光肉滑,歲月冇喺佢身上留低痕迹。陸叔話自己絕對冇打botox,皮膚好可能係天生,佢仲叫朋友摸吓佢塊面驗證。

跟陸叔傾開,佢話保養得宜可能係另一個原因,呢方面跟生活有規律相關,佢每日由早做到晚,生活十分充實。但陸叔最近接咗新工作,喺某電視台主持財經,每晚七點半到八點肯定行唔開,搞到晚飯都食唔切。特別近年中國經濟起飛,陸叔好多時要跟啲內地商人食飯,由於國內習慣六點就開餐,陸叔食到半途就要急急腳趕返電視台亮相。

陸叔皮光肉滑,看不出原來明年已屆六十大壽,真的保養得宜。