為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 04 月 06 日

內地猛人話:認住呢個「英」

近排一言跟中環朋友食飯,唔少人開始提起下屆特首人選,北京兩會後,大家諗方向會明確啲,點知市場對係「唐」定係「英」依然眾說紛紜。

既然方向未明,有得跑嘅人,都唔會執輸。早兩個禮拜,由內地精英組織嘅「華菁會」成立,行政會議召集人梁振英做嘉賓。華菁會主席係摩根大通嘅方方,榮譽主席係「I, I, I was born in Beijing」嘅黎明,嗰日場面都算星光熠熠,出席嘅仲有前體操王子李寧、亞視嘅王征等。

梁振英喺班內地才俊面前,大打溫情牌,佢祖籍山東威海,即場用山東話演說,話自己早認定「香港是我家」,唔會離開;然後又話內地人來港不分先後,大家都係香港人,博得全場熱烈掌聲。振英呢番豪情壯語,有內地才俊都私底下跟一言講:「要認住呢個英」﹗

梁振英以山東話演講,博得全場一片掌聲。