為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 04 月 05 日

李家傑緋聞女友 嫁人生仔

恒地(0012)太子爺李家傑生性愛自由,遲遲唔肯結婚,舊年為滿足老父李兆基抱孫心切,以人工方法生咗三胞胎,呢位城中鑽石王老五究竟心繫誰人,一直係個謎。早兩年,傳聞話李公子有個上海大學生女友,又有傳佢跟鳳凰衛視前女主播江欣榮曾發生一段緣,事件傳來傳去,撲朔迷離。

不過,一言知道,江欣榮已經悄然嫁人,連女都生埋,老公係內地才俊。小江老公叫陳寧迪,係「博智資本」合夥人,公司拍檔有前滙豐投資銀行亞太區頭頭宦國蒼,江欣榮真係可以做日日High Tea少奶奶。

○八年百仁基金成立,江欣榮(左三)跟李家傑(右一)一起出席成立典禮。

小江長得標致,富豪圈中好多富二代都知,事關佢選美出身,係○三年鳳凰衛視首屆中華小姐冠軍,由於佢有樣有學識,被相中出任鳳凰衛視主播。○八年小江仲加入「百仁基金」,成為創會會員,呢個會全部係超級富豪第二代組成,會員非富則貴,入會費要五十萬,小江只係一個主播,都可以入會,就知佢幾叻。

同年五月小江離開電視台,加入滙豐私人銀行,負責跟啲大戶,期間認識陳寧迪。陳生曾係滙豐全球投資銀行高級經理,芝加哥大學畢業,擁有經濟及統計學位。

陳寧迪舊年同江欣榮,將個山西煤礦注入上市公司華脈無線通信(0499),作價一百○五億,華脈計劃發行二十億新股畀陳氏夫婦,每股作價五蚊,如果唔係十二月底收購拉倒,江欣榮同陳寧迪身家隨時成百億喇。

江欣榮○三年獲得中華小姐冠軍,今天已經嫁作人婦。