《中年好聲音》｜邱芷微率先出歌　于天龍拍MV唔敢太激

適逢情人節，於《愛回家之開心速遞》飾演賈名媛的邱芷微（Chelffy）及唱作男歌手于天龍（Sunny）在荃灣舉行新歌發布會。兩人首度合作推出國語合唱歌曲《Qivaro 有你陪我到老》。兩人更邀請藝人好友漢陽及劉鍚賢等人出席支持。

邱芷微（Chelffy）及唱作男歌手于天龍（Sunny）在荃灣舉行新歌發布會。

兩人首度合作推出國語合唱歌曲《Qivaro 有你陪我到老》。

Sunny 一手包辦歌曲的曲詞編監，以健康快樂生活為主題，希望能夠喚醒公眾對健康的關注。在發布會中，Chelffy 及Sunny 大談健康逆齡抗衰老的問題，其中Sunny 笑指自己因未夠35歲而未能參加《中年好聲音》。對此，Chelffy 回應道：「個個都話你差唔多年齡，點估到你早我咁多出道會未夠秤參加唧！不過咁，唔係參加咗《中》真係冇人知我唱歌，你就唔會咁快搵我出歌啦！多謝Sunny 及 Qivaro 李總對我們的支持。」

Sunny 一手包辦歌曲的曲詞編監。

兩人隨後在現場演唱新歌，並與一眾嘉賓們分享首次合作的感受。談到錄音趣事，Chelffy 笑言似比賽般勁緊張：「Sunny監製、男友Wilson同老闆李總坐響前面睇住我錄音，好似評判咁似足比賽嘅時候，只係爭個叮叮放響枱。」

兩人在現場演唱新歌。

兩人與一眾嘉賓們分享首次合作的感受。

談到在MV中兩人有否親暱行為，Sunny 表示大膽地拒絕導演要求：「除咗拖手，導演有要求我哋錫錫，我話個MV唔駛去到咁盡，唔好咁激住，所以拒絕咗。（是否擔心另一半呷醋？）我們做呢行都係專業嘅，只不過我作為這首歌曲的創作人，我認為這首歌曲係代表不同形式的愛、關懷及陪伴，唔一定指愛情。」Chelffy 隨即更大讚男友Wilson 外剛內柔：「Wilson大隻唔代表會打人嘅，佢好溫柔，好明白做嘢係咁，邊有咁易呷醋吖。」