為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2023 年 01 月 18 日

斷腳險盲折肋骨 甄子丹細訴 武打巨星亡命辛酸史

何謂巨星?
是你看到天上星星會想起的一顆?
現實,從來不是那麼簡單。連被尊稱「丹爺」的甄子丹,也經歷過高低跌宕,才有此時的耀眼光芒。
縱橫影壇四十載,影視作品近八十部,當中大多也是拳來腳往、刀光劍影,說即將「登6」的宇宙最強,用雙手打出武打巨星的一片天,絕無誇大其詞。
「我由八三年拍第一部戲,見證香港電影圈嘅轉變,坦白講,有好多次都想放棄,因為唔係部部電影都咁成功⋯⋯面對咁多次衝擊,我都覺得,喺嗰度跌倒,就喺嗰度起番身,最緊要係唔好放棄。呢一行,要靠耐力、定力、毅力同激情!」

 

 


激情,換來的,除了是來自全球的擊節讚賞,還有身上大大小小舊患新傷,有多少?甄子丹笑言:「多到我都唔記得!為咗部戲出嚟嘅效果,我做到幾多就做幾多,有時唔好彩,咪瀨嘢(受傷)囉!」
翻查資料,加上當事人的證實,N次皮外傷,各類骨折、骨裂,幾度險盲的瞬間,最折騰的,還有舊患帶來的痛楚。
「拍咗幾十年戲,真係五癆七傷!係職業病嚟嘅,隨住年紀大咗仲愈嚟愈差,瞓覺仲會痛到成晚都轉嚟轉去,一晚起六、七次身,不過都慣嘞。
「有啲人會傷到連行都行唔到,我就嚟六十歲,仲打得,又舞劍、起飛腳、一字馬都做到,已經好好彩。」
一路走來的辛酸,甄子丹從來視之為歷練,才有今日的昂首闊步。

 

 

四十年下來,甄子丹已數不清身上因工作而來的傷患,但肉眼可見的,是他兩手已變形的尾指,還有手指上一些已結疤的傷痕。

 

他享受由劇本開始便參與製作,除演出外,對白、分鏡、動作設計、剪接、配樂等,這次的《喬峰傳》,他還為各角色所用的兵器費心,真正全情投入。