【劉鑾雄記者會】爆有娛樂圈前度女友 婚後繼續問攞鱷魚皮手袋
大劉劉鑾雄今日召開記者會交代他與舊愛呂麗君的關係，大劉在記者會上強調同呂麗君沒有關係外，更罕有地大談過去的女朋友，當中包括他的娛樂圈中舊愛。
大劉表示他過去曾有好多女朋友，娛樂圈的女友只佔1%，其中一位前度於婚後兩、三年，都會一年揾他攞幾個鱷魚皮。他說：「千祈唔好以為我畀個手袋就可以大家出嚟執返劑喎，執返劑涼茶就可能有。男人同女人，有啲人去執人一劑可能益個女人，有啲人執人一劑係益自己，係相對嘅。我諗我依家肯去執呀，排隊排到黑龍江呀。講笑啫，我呢家行路連地下有張銀紙都執唔到呀！」
