為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 09 月 22 日

羅家英舊訪問爆汪明荃做主動 自問高攀阿姐

羅家英與老婆汪明荃於1988年首度合作演粵劇,二人翌年正式拍拖,並在2009年簽紙結婚,相知相愛長達33年。

二人因粵劇結緣。

日前,ATV的抖音帳號更「出土」多條陳年訪問片段,當中包括家英哥接受主持周梁淑怡訪問,其間被問到感情事,問他與阿姐究竟由誰主動追求。

阿姐與羅家英婚後好恩愛。

家英哥在訪問中,最初不太願意講追求話題,最終在周梁淑怡多番追問下,家英哥才稍為透露:「阿姐係有錢、又靚、又有地位、又有名譽,我只係做大戲,雖然我有少少錢、少少名譽、少少地位、亦都生得唔錯,但大家都係格格不入。佢個種高度,如果佢唔低少少我點攀上去,要互相你就下我就下佢,如果佢唔暗示唔應承,唔俾機會嘅話,我想追都追唔到啦。」

羅家英稱自己生得唔錯。

羅家英坦承與阿姐有點格格不入。

羅家英指阿姐難追求。

主持即食住上追問是否由阿姐做主動、畀暗示?家英哥說:「主動好似係佢,佢問我鍾唔鍾意佢,呢句唔係。咁佢佢第一晚、做完一套戲,第一次同佢合作,嗰套叫《穆桂英大戰洪州》,佢嗰日生日,咁好開心,佢走過嚟着紅色褸,包住個頭,攬住錫咗我一啖,話好多謝我,咁就開始囉。」家英哥一邊講一邊甜笑,睇得出好幸福。

羅家英指由阿姐做主動。

羅家英話高攀阿姐。