蔡楓華嚇窒後輩
將於月底舉行復出演唱會嘅蔡楓華（Ken），門票全線爆滿，鹹魚宣告翻生，三月十日晚，Ken殺入將軍澳電視城為「博愛歡樂傳萬家」進行錄影造勢。入行多年嘅Ken哥，大佬風範不減，對住一眾後輩黃耀明、張智霖、張繼聰、HotCha等，主動大打親民牌，向各人出示友誼之手，可惜卻慘食檸檬，張智霖只顧跟黃耀明吹水、HotCha嘅Regen則扮見唔到，結果僅得身旁嘅張繼聰捱義氣，同佢握握手做朋友。難怪近年不少樂壇前輩都批評時下新人無禮貌，東姑都好認同。
Ken哥拍埋黃耀明和張智霖合照，後兩者面露尷尬。
Ken哥又伸手向黃耀明和張智霖，兩人都無理。
Regen在前輩Ken哥面前行過，無打招呼之餘，更對其友誼之手視而不見。
