為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 08 月 12 日

oNick恆仔箍實小花調情 享受二人世界

首先恭喜ToNick主音趙善恆(恆仔),不久前憑《一秒拳王》電影主題曲《時間的初衷》拎到金像獎嘅「最佳原創電影歌曲獎」。日前嘅周六,恆仔同女友譚杏藍(小花)現身西貢,因為女方件衫同襪都係橙色,咁鬼掁眼自然望多兩眼,原來係佢哋。

兩人唔算好親暱但好多嘢傾。

恭喜恆仔。

當日,一身橙嘅小花同令佢心動嘅恆仔現身西貢,兩人漫無目的喺海旁行街,雖然係情侶,但兩人冇拖手,突然間恆仔箍實小花條頸行咗一陣,見兩人得個行字,偶然望吓碼頭邊嘅海鮮船仔,行咗無耐就返轉頭行返入市中心。事後睇小花IG,終於明確知道兩人當日行程,兩人去咗食意粉做Lunch,跟住喺西貢市行街影吓貓,然後就去咗白沙灣嘅酒店Staycation,第二日又去游水同做SPA,做之前仲上咗酒店頂樓嘅酒吧歎香檳,節目好豐富。

恆仔突然箍實小花,後者應該習慣男友玩失驚無神。

恆仔同小花真係好好傾,不過可能太熱小花拉低咗口罩。

去到酒店當然爭取時間游水。

撐枱腳食意粉,唔見樣但有心心Emoji嘅當然係恆仔。