為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2009 年 03 月 27 日

潮拜美白狂 李季霞

十六歲,一百三十五磅,可以說是baby fat,或會被人叫「肥妹」。

十六歲那年,肥嘟嘟的李季霞(Renee),卻因為別人一句「肥婆」,而令身心大變。

「有次表姐來我屋企玩,經過走廊時嫌我阻住佢,竟然衝口而出話:『行開啦!肥婆!』當時我只得十幾歲,竟然被人話肥婆,我覺得好hurt,自此決定要的起心肝減肥,我要靚!」

一句「肥婆」戲言,不但令Renee積極減肥,為了靚,她甚至彩光激光打botox統統試勻,又狂考光學治療、香薰按摩、體重管理等專業資格,四年前更開設美容院Arche Beauty,仲自己拍埋廣告做店舖的生招牌。

十幾年間,她由「肥婆」變了做「去斑權威」,電台爭相約她做訪問,連富豪千金及娛圈姐仔如蔡加敏、蔡加怡、唐詩詠、胡琳等都慕名向她潮拜。

「我份人唔衰得,亦唔激得。你話我肥,唔靚,我就要靚畀你睇!而且仲要幫埋其他人變靚!」

女人為了靚,無嘢係做唔出!

李季霞坦言怕老,但又說:「依家啲人無咁易老,因有太多嘢(美容療程)可以搞了。」

○四年,美容院的銅鑼灣店開幕時,(右起)苗金鳳、韓瑪利、胡琳、(左起)鄭艷麗、施綺蓮、邵音音和江芷妮等都是剪綵嘉賓。

貪靚本色

5
蔡加敏
集中通淋巴,幫助去水及減肥。
蔡加怡
曬太陽後出雀斑,主打彩光去斑。
唐詩詠
因工作壓力而生壓力瘡,亦有做彩光美白。

江芷妮
主攻彩光去斑及去胎痣。
胡琳
幫襯了四、五年,尤其針對下巴暗瘡。

親自做白老鼠

眼前的Renee,有點似翻版港姐李詩韻,攝影師則覺得她有點像李彩華。誰會想到,她十多歲時竟是一百卅多磅的肥妹仔?

她的臉上,容不下一點雀斑一粒暗瘡,甚至乎一粒小痱滋。只要臉上有何「不妥」,她必定即時找急救方法,激光、彩光輪住嚟試。即使爛完臉爛頸,爛完頸爛手,爛完手再爛腳,她依然樂此不疲做做做,目的除了要「靚」,還要親身做白老鼠,循序漸「白」畀客人睇。

「我做去斑美白並非齋睇書,而是自己親身感受過,以自己的經驗跟客人分享。如果連自己都唔敢試,又點樣說服其他人去試?」。

訪問前一星期,她就為頸部做了一次激光去斑,雖然明知療程之後,連續幾日條頸會又紅又甩皮,但她為靚乜都肯做。

「朋友問我條頸做咩,我咪照講囉,最緊要我知道幾日之後會靚番晒。」

富豪千金熱捧

有她這位貪靚老闆娘坐鎮做「人肉生招牌」,就連玩具大王蔡志明的兩位千金加敏及加怡,都慕名來找Renee搞靚塊臉。Renee亦好識做,每次必定預留VIP房供二人享用。

「Carmen(加敏)無雀斑,主要是來relax和通淋巴,令身體的circulation(循環)好啲,皮膚firm啲。」

蔡加敏雖已為人母,但原來好怕痛,「她好怕唧黑頭,少少痛都唔得,要好細力幫佢做。有次我幫佢做facial,見佢好似瞓咗覺,諗住快快手幫佢拔走眼眉兩條雜毛,點知一拔,她即刻話『哎吔,好痛!』」

曾被譽為「最索上市公司女主席」的蔡加怡,亦幫襯Renee做過幾次彩光去斑。「Crystal(加怡)皮膚好好,只是去旅行時曬出少少斑,所以我建議她做彩光,做了三、四次,已經好番晒。」

唐詩詠壓力瘡

無綫姐仔唐詩詠,亦是Arche Beauty的常客。「佢(唐詩詠)上年可能有一排忙啲,生咗啲壓力瘡,不過好快就好番。佢好斯文好有禮貌,經常唔該前唔該後,又唔會指定要邊個美容師。」

新晉歌星胡琳,更是她的忠實擁躉,○四年銅鑼灣店舖開幕時,她亦有份做剪綵嘉賓。「她每個月會來做一、兩次facial,又會做吓香薰按摩。」

已退出娛圈轉戰商界的前姐仔江芷妮,亦經常來做facial。「佢好貪靚,見臉上有些好淺的斑,即好勤力來做機,現在一粒雀斑都無了。」

施綺蓮和鄭艷麗,與Renee亦是好朋友。「施綺蓮好少來,反而她媽媽每次由外國(瑞士)返港,都會來我這裏做去斑療程。至於鄭艷麗,你知佢鬼妹仔,坐圍比較勁,佢有時一星期會來做幾次減肥療程,又有keep住做facial。」

multimedia1

除了狂做美容療程,Renee亦有進食健康食品養顏,如珍珠末及松樹皮精華等。

上星期,本刊與Renee做訪問時,撞啱胡琳到美容院做facial。

狂考專業資格

名人客仔一大籮,Renee為了盤生意,自然少啲心力財力都唔得。在其銅鑼灣及佐敦面積各三千多呎的美容院,近年就添置了多部購自東歐的先進醫療美容儀器,每部價值動輒百萬元。

「以前做彩光或激光,只能去雀斑,不能去荷爾蒙斑,但近一、兩年,已有儀器可去荷爾蒙斑了。」

為了提升自己的專業形象,她又逢試必考,幾乎所有關於美容的專業資格都被她考勻。

「我咩都學,除了美容、彩光、激光,香薰spa又學,印式按摩又學,腳底反射又學,體重管理又學,所有美容證書差不多畀我考晒,連教育學院的教育文憑都攞埋,現在已有資格可做老師教人。」

Show Qual

人肉生招牌

為了力保其「人肉生招牌」,她又每月從不間斷地做彩光或激光,更絕不讓自己過肥或過瘦。

「我以前為了減肥,試過連續五年無食飯,且好揀飲擇食,如食魚唔食魚腩,只食魚背;食雞只食雞胸等,最瘦時只得九十幾磅。但現在人大了,反而唔鍾意自己太瘦,現時體重維持在一百廿磅左右,我每日都上磅,總之唔會畀自己高過一百廿五磅。」

貪靚貪到出晒名的Renee,近日除了被電台爭相邀約上節目大談光學美容,上星期又搵鋼琴王子陳雋騫的製作公司,為美容院拍攝電視廣告特輯,大賣公司的美白去斑「招牌菜」。她更有計劃於新界區開設第三間分店,將生意愈發愈大。

「啲人以為我天生麗質,但其實我搞過好多嘢,打botox都有試過。去斑根本唔難,只要你肯試,我實幫到你!」

本死無大礙。她說得咁firm,我惟有心口掛個「勇」字,試吓激光去斑博一鋪。結果點?截稿前,正在度過「爛臉」的日子!

都係嗰句:女人為了靚,咩都敢試!