狗狗，恆久以來都係人類忠心嘅Buddy。
當狗狗嘅主人，係萬人迷Idol或明星，仲要有熱爆全球嘅作品，你就會明白，做狗狗好過做人嘅道理。
講得好虛幻？你想像吓，金高銀、BLACKPINK，或者少女時代，一系列被封為女神嘅韓星，係閣下嘅主人，夠唔夠Dreamy先？

早前金高銀喺IG上載文青風照片，除咗愛犬月兒，仲有佢嘅好姊妹Rosé愛犬Hank，令畫面好有愛。

金高銀 心善則美

雖然三十一歲嘅金高銀，唔係走美艷靚女路線，但以演技著稱嘅佢，憑《鬼怪》一樣可以躍升成一線演員。最近佢喺Netflix新劇《柔美的細胞小將2》，再圈多唔少粉o架。
你估唔到嘅，係金高銀嘅心地，同佢嘅演技一樣出色，佢嘅混種愛犬月兒，係從流浪犬收容所收養嘅，而且仲係要經過無數治療後，先可以正常行路；仲有手術無法治療嘅氣腦同腦疝疾病，但金高銀都毫不嫌棄，決定收養月兒。
o依家月兒喺主人悉心嘅照顧之下，已經靚女晒，喺充滿愛嘅環境，金高銀都自體發光呀！

成為金家家庭成員前，月兒嘅毛毛又長又亂，因為耳蝸問題，頭會左傾；但入住金家後，經過金高銀嘅悉心照顧，已經變得靚女晒。

現正熱播嘅《柔美的細胞小將2》，令男女主角金高銀同珍榮，都人氣急升。