為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2011 年 03 月 12 日

撻着斷正 JJ姣嗒馬國明(詳盡版)

繼圈中「筍盤」陳豪被拜金女廖碧兒狠飛後,另一極品好仔馬國明(馬明),先後跟胡定欣和李詩韻甩拖後,令不少女星重現希望,爭取機會私有化。

近日,JJ(賈曉晨)與馬明在新劇《飛虎》中飾演一對賊夫妻,近水樓台的她,全程主動用電眼攻擊,鏡頭前後都叫對方做老公,黐到馬明實一實,連去廁所也要他相伴。二人打得火熱,撻着一個月。

JJ黐到馬明實一實,心口更貼住男方手臂,冧到爆。

臨去廁所時,JJ掉低呂慧儀,反含情脈脈叫馬明陪去廁所。

呂慧儀(左一)也睇出JJ有古怪,笑JJ掛住冧仔,JJ即尷尬擰歪面。

當眾嗌老公

有「宅男女神」之稱的JJ,遇上外表平實兼唔多出聲的馬明,一拍即合。兩人為新劇《飛虎》開工僅一個月,雖然只拍過幾場戲,但馬明已被熱情的JJ成功融化,在片場又互以「老公」、「老婆」相稱,肉麻當有趣,拍戲拍出真感情,全劇上下都知二人暗地撻着。

上周三(二日)晚,兩人在佐敦拍攝一場「殺警戲」,一早到達的他們,因等轉景而偷閒到附近點心店拍拖撐枱腳。但好事多磨,當晚適值撞正呂慧儀在店內拍攝飲食節目,呂拍畢便坐埋一齊吹水,無端端做了電燈膽。視呂如無物的JJ,採取主動,跟馬明打孖對住坐,全程用電眼笑瞇瞇望實對方,又不斷跟他攀談,細聲講大聲笑,儼如熱戀中的情侶一樣。直至發現記者,怕羞的馬明即時面紅紅避鏡頭。相反,JJ則打蛇隨棍上,乘機公開戀情。

JJ和馬明不時含情脈脈互望,十分sweet。

被記者撞破,JJ依然心花怒放,但馬明則略顯愕然。

JJ對住馬明食飯,全程邊食邊談情,當然開心到伸脷。

直認有好感

臨埋位前,JJ寧棄同性呂慧儀相陪去廁所,忽然嬌聲嗲氣對馬明說:「老公,陪我去廁所。」呂企在一旁偷笑,而未及反應的馬明,反問:「吓?你講真o架?」JJ即使出高八度的嗲聲撒嬌謂:「係呀!你陪我去啦!」一臉尷尬的馬明,亦有風度地在門外守候,邊等邊跟fans傾偈,直至JJ如廁完畢,便護駕她回店內。

當晚現場所見,拍攝前後JJ都黐實馬明,一起咬耳仔交談兼睇劇本。埋位期間,身穿低胸衫配魚網絲襪的JJ,更加多幾錢肉緊,半個身挨落男方身上,大送秋波。

事後,馬明承認被JJ電暈,說︰「我鍾意呢類型女仔,佢笑得好甜,電力好勁,我都被佢電親。佢係宅男女神,好多人爭,我都欣賞佢。」襄王有夢,神女亦有心,JJ對馬明有讚無彈說︰「佢高大靚仔又有事業,我諗大多女仔都鍾意呢類型男仔。」JJ講到出口,看來馬明呢個筍盤都走唔甩。

JJ在馬明面前頻頻補妝,扮到靚一靚。

兩人開工咁耐黐住咁耐,好傾到不得了。

JJ廣東話咬字唔清,又要馬明逐隻字教發音,乘機對稿。