孔德賢劉頌鵬讚李佳芯有仙氣 陳敏之個樣都好疑惑

TVB兩位「小鮮肉」藝人，24歲孔德賢（Danny）和26歲劉頌鵬（Enson）最近作客陳敏之的網上頻道做嘉賓，敏之被爆年齡秘密，笑言43歲的她能夠生得出24歲的Danny。

陳敏之大孔德賢18年，笑言生得佢出。

Danny和Enson除講到入行辛酸史，還大爆年輕一代女神的不二之選就是李佳芯（Ali）。不過，他們對於8、90年代的女神印象好模糊，除了認得邱淑貞，其他紅極一時的女星，如周海媚、鍾麗緹、王祖賢、李麗珍等全部都不認識，見到鍾楚紅年輕時靚相，不禁說：「哦，原來鍾楚紅咁嘅樣。其實名全部聽過，但樣match唔到。」

Danny和Enson對好多8、90年代嘅女神都唔太認識。

鍾楚紅都只係聽過個名，但認唔到個樣。

至於新一代的女神，Danny和Enson異口同聲表示：「Ali」。不過，言談間敏之卻不時流露出疑惑的眼神，和提出很多疑問，說：「真係o架？竟然係Ali 好犀利，個票數係Boom，點解呢？因為個氣質呀？」Danny搶答：「會發光呀，佢行出嚟係會發光。（真係o架？天使咁？）係呀，真係o架！」Enson接口讚Ali親和力十足：「見到佢你會覺得好溫暖。」

Danny話有年台慶見到Ali 行出嚟，無論男女都會望住佢。

Danny更講到有一年台慶見到Ali突然現身，無論男定女都會望過去，敏之再疑惑地問：「係咩？」Danny說：「總之知佢入嚟嘅人都會望過去。（覺得佢有仙氣？）係呀，真人仙氣仲大過啲相。」
而敏之就自爆年輕做暑期工賣香水，曾被梁朝偉電暈，興奮到腳軟兼仆親，連朝偉都忍唔住笑。

Danny話Ali 行出嚟係會發光。