為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 06 月 21 日

劉沛蘅公開甜蜜照 認定洪卓立係結婚對象

劉沛蘅(Hillary)今日到屯門出席活動,以吊帶裙示人,有愛情滋潤特別醒神。提到在社交網晒與男友洪卓立(Ken)Staycation慶生的相片,穿上黑色吊帶裙的Hillary被Ken從後環抱,還有着住睡袍在窗前回眸一笑,留言稱:「臨睡前翻看一下相簿,希望今晚發個甜夢。」甜到入心,Hillary聞言笑不攏嘴:「每日都好開心,只係分享生活照。」

劉沛蘅臨睡前公開甜蜜照,認定洪卓立係結婚對象。

 問是否首次與Ken慶祝生日?她想想稱不是,被取笑已秘密慶祝了幾年,她笑說:「唔係,之前相識未一齊已經慶祝過生日。」她指男友當日很蝦碌,在她抵達時仍在吹氣球佈置,「我事前唔知道,結果我要為自己佈置,但佢肯為我已好窩心,隨後我哋去咗一間好貴嘅餐廳食法國菜,埋單都近萬,我都嚇咗一跳。」

臨睡前,Hillary晒甜蜜照,話想發番個甜夢。

講到Ken表示已見過家長,更要儲老婆本準備結婚,Hillary表示:「係見過家長,(儲老婆本?)係佢講,我自己都有儲錢養自己,但都係好事,佢肯為將來打算。(他的將來即是你的將來?)都係呀,哈哈。我每次拍拖都當係結婚對象,都希望行到結婚。(Ken想旅行結婚?)我都想,大家都喜歡日本、美食同旅行。」

同洪卓立Staycation慶生。

Hillary 一提起洪卓立就笑唔停口。

生日過二人世界。

Ken的家人也讚Hillary乖女,她透露自己屋企人都有讚男友有禮貌,會買酒o氹家人開心,問是行岳父政策?她笑稱對朋友都很好。問到是否已有結婚計劃?她稱會工作為先,笑言最起碼是先開關,而她最近為電影試鏡,希望能以演員身份發展。

仲有浴袍照,當然都係男友視角。