石修榮升做爺爺 陳宇琛等足5年宣佈老婆有喜

恭喜石修，快將榮升做爺爺！現年42歲、石修兒子陳宇琛（Sam）在2017年與前有線主播林佑蔚（Camille）結婚，等足5年，Sam趁住昨日（19日）父親節在社交網公佈喜訊，透露太太Camille懷有身孕，寫道：「祝所有父親父親節快樂！我們已經晉升了，從爸爸到爺爺，兒子到爸爸。祝所有爸爸父親節快樂！我哋升職啦！由Daddy變爺爺，Sam變Sam爸爸！」

石修榮升做爺爺，陳宇琛等足5年開心宣佈老婆有喜。

Camille同老爺奶奶合照，見腹部微隆。

開心歎茶，Sam宣佈老婆懷孕。

Sam亦有上載全家福，他與太太跟爸爸石修及媽媽一齊去歎茶，照片中見到準媽咪Camille腹部微微隆起，陀得好省鏡；她亦有出Post寫着：「祝所有爸爸、以及兩位準爺爺&爹地父親節快樂 ，是神的恩典亦是一個開心的驚喜，所以我仍然消化中。」並上載兩隻愛貓相片，留言笑稱牠們也準備榮升做大哥哥啦！不少網民都留言送上祝福，有人說笑如果今胎是仔，似Sam、石修，還是方力申呢？不過，Sam暫時未透露BB性別。

兩隻愛貓都就嚟做大哥哥。

有人笑問BB如果似爺爺，又會唔會有機會似方力申呢？