為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 06 月 15 日

衛蘭坦承以往減肥有壓力 自覺40歲最fit最靚

衛蘭日前接受Edmond訪問,大談籌備演唱會情況。

衛蘭(Janice)日前接受TVB娛樂新聞台節目《StarTalk》主持許文軒(Edmond)專訪,大談相隔4年再舉行演唱會的感受。衛蘭直言今次開騷有點緊張:「可能最近少咗演出機會,一嚟就紅館,所以有啲緊張。今次自己參與度比較高,畀咗好多意見,今次音樂性比較重,大家未必見到我跳舞,我唔係跳舞歌手,唔想無啦啦做一Part跳舞。」

Janice相隔4年再在紅館開騷。

眼見衛蘭清減不少,她說:「做運動已經變咗自己一個習慣,疫情冇得做Gym,自己都會喺屋企做,會行樓梯機40分鐘,舉啞鈴1個鐘頭,大嗌出嚟,係好肉酸,而且好辛苦,不過好有用。食量方面要減少,依家到咗40歲,但我覺得今年反而最Fit,依家先係最靚!以前減肥有壓力,係為人而減,依家為自己同健康而減。」

Janice近日經常健身,既是為了減肥,也是為了令自己狀態更好。

Janice不停增值自己,繼續學唱歌,她表示:「覺得自己未夠好,發現唱廣東歌唱到第7、8首時聲帶開始攰,廣東話咬字有影響,覺得好難,所以要搵老師調教自己嘅咬字,而且令到條氣順,希望可以練到唱20幾首歌都唔攰,因為我啲歌真係好難唱,我有信心唱得好畀大家睇!」