為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 06 月 06 日

方紹聰與患輕度弱智家姐默契十足 感激對方以自己為榮

由余安安、羅敏莊、陳凱琳擔任主持的《日日媽媽聲》第二輯,昨晚(5日)播出第7集,方紹聰(奶仔)帶同餅印媽「美麗姐」齊齊參與錄影。原來奶仔有一位患有輕度弱智的家姐,但與爸爸和媽媽感情要好,雖然家姐未能以言語與奶仔溝通,但奶仔笑指二人默契十足:「好多人問我同家姐點溝通,其實我哋由細到大相處咗好耐,所以可能一個眼神已經知對方想點,或者少少嘢我已經知佢係開心定唔開心。」

奶仔又謂十分難忘家姐看到自己在《特技人》中演出後的開心反應,奶仔說:「嗰時成家人一齊食飯,咁啱電視播到我嘅畫面,家姐睇住個電視,企起身好開心係咁拍手掌,仲行出去指住部電視,再行埋嚟攬住我,同其他人客講:『呢個係我細佬』。」說到此處,奶仔硬咽謂:「我嗰刻好感動,我以為我開心,原來佢戥我更加開心。」奶仔續指慶幸在無綫努力工作了十二年後逐漸有人認識,故希望能透過自己小小的知名度,讓更多人關注弱勢社群、尤其弱智人士。

「美麗姐」與奶仔十足十餅印,「美麗姐」亦都好健談。

「美麗姐」為生為生重磅奶仔,搞到塊面爆微絲血管。

奶仔媽媽「美麗姐」雖然要同時湊大奶仔及輕度弱智長女,但她依然樂天開朗、沒有怨天尤人,她笑言最希望是自己和家姐身體健康,這樣二人才能一直一起走下去。「美麗姐」還大爆奶仔出生時的小秘密:「佢出世已經有八磅二,我生佢好辛苦架,我生佢時因為太用力,塊臉爆晒微絲血管。」「美麗姐」續指奶仔小時候有專屬二人的親密行為、促進親子關係,她說:「我餐餐都要同佢碌咭,我哋用臉嚟碌咭咯!」奶仔聞言即接招謂:「所以我哋個樣咁似係有原因,我哋依家少咗咁做,會改為請佢食嘢或周圍去。」奶仔又不忘講笑謂:「依家碌咭同錫錫轉咗嚟追女仔,係Work嘅。」又謂希望自己能像媽媽般一直做個開心快活人,場面溫馨。

《特技人》中方紹聰飾演嘅「糯米」因為知道女朋友大咗肚,為搵奶粉錢,不惜接危險工作。

「糯米」(方紹聰飾演)親身上陣做特技人--火人。