為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2022 年 05 月 24 日

【挨跌5萬蚊】指仔仔驚到僵硬話「公仔好恐怖」小童爸爸:睇片睇都心都噏埋

「天線得得B」Laa Laa模型公仔事件疑再有新進展。事件中小童的爸爸接受電台訪問時,憶述公仔破碎一刻。他指店員「冇屈我個仔踢跌公仔,但誤導咗我哋」,又指因為今次事件,仔仔今日向學校請假。

小童父親接受電台訪問時指仔仔今年5歲,事發是在星期日下午6時半,他當時在店外接聽工人姐姐電話,忽然聽到「呯嘭一聲」,他隨即回頭望,發現店內涉事的公仔已倒地。

他又指,仔仔當時「僵晒好驚」,只低頭看著公仔,而店員亦向太太表示仔仔已踢過公仔一腳,當刻誤以為「個衰仔第一腳踢唔冧再踢二腳」,因此決定賠償了事,盡快帶兒子離開。他續說,公仔標價5萬多元,但店員聯絡公司後,決定只收成本價了事。

小童父親又澄清,「店員冇屈我個仔踢跌公仔,佢只係誤導咗我老婆,話之前已見到你個仔踢佢一腳」。

小童的父親說,仔仔回家沿途在車上「呆晒, 一句嘢都冇講過」,後來仔仔問了他3次「點解個公仔咁恐怖」。他指,自己沒有因為公仔事件責罵兒子,直到晚上9時許看到事發影片,發現兒子當時為避開人潮才向後挨,發現公仔倒下時更轉身伸手想扶起公仔,形容「好唔小心、好無助,我個心開始噏。」

被問到責任問題,他直言家長有責任看管小朋友,但同時店方亦應採取保護措施。