為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 05 月 25 日

6 Gun經

睇圖,你又點會知道,靚佬湯告魯斯(Tom Cruise)即將喺七月「登6」?
當年齡只係一組數字,靚佬梗係挑戰極限,最威係,佢嘅新作《壯志凌雲:獨行俠》(Top Gun:Maverick,下稱Top Gun 2),康城首映後即獲觀眾企足6分鐘拍掌激讚,你又點會知道,因為製作,因為新冠疫情,電影已經四度延遲上映日期?
第一集喺36年前上映,靚佬話:「咁多年嚟,我一直構思點樣拍續集,我唔想重複上一集嘅嘢,到實行到我嘅Idea,又遇着新冠肺炎,Delay到o依家先可以見人。」

由於靚佬拒絕以綠幕拍攝戰機戲份,所以《Top Gun 2》甚少CG,全部演員,包括靚佬本尊都實牙實齒上F-18戰機拍攝,對即將「登6」嘅靚佬嚟講,其實毫無難度。

 

出錢出力

86年上映嘅《Top Gun》,令靚佬成為一線大星,仲要係歷久不衰嗰隻,就算佢試過跳梳化大叫呢個騎呢stage,家陣總算走過騎呢之路。所以今次事隔30幾年先拍《Top Gun 2》,靚佬特別嚴謹。
「我同片商講過,要拍續集,就一定要實拍,因為用CG就完全唔係嗰樣嘢,所以我寧願用多啲時間去拍。
「拍第一集嘅時候,我同一眾演員都冇機會接受相關訓練,所以佢哋喺拍攝嘅時候,都唔可以真正咁飛住拍,所以今次我就要全體演員,一齊接受飛行訓練同特訓。」
靚佬所謂嘅特訓,係由佢親自精心設計,俾包括佢在內嘅全體演員,喺五個月內考飛機師牌、集慣飛行,仲有最重要嘅:適應飛行時產生嘅G-Force。
「G-Force嘅重力好大,訓練時有演員會辛苦到嘔,我都會,哈哈!所以初時我會帶個嘔吐袋上機o架。」
當其他演員見到靚佬一把年紀都搏到咁盡,自然唔會揸流攤,而今次收1,300萬美元(約港幣1億140萬)片酬嘅靚佬,早喺開工前已認真到出錢幫年輕人,送個有考機師牌App嘅iPad,俾戲中飾演「Hangman」嘅葛倫鮑威爾(Glen Powell),重點係佢幫埋葛倫報名考牌,俾埋錢囉。

 

 

事隔36年,靚佬電單車後座嗰位,已經由Kelly McGillis(上圖),變為珍妮花康納莉(Jennifer Connelly),不變嘅靚佬,只係少咗牛奶味。

 

為咗應付海量飛行畫面,適應F-18戰機嘅G-Force,靚佬親自設計特訓課程,包括喺水底玩「密室逃脫」。