「豬肉檔AK」人生第一個廣告 公開冧Fans：「多謝威威豬支持」

「豬肉檔AK」阿威近月突然爆紅，「威威豬」（阿威Fans稱呼）於社交網成立嘅「荃灣鮮肉威威應援團」已超過13000位成員，傳媒爭相追訪，連遠在海外嘅李婉華都冧爆咁同佢做越洋訪問。

相信廣告陸續有嚟。

阿威人氣急升，隨即就有鞋履品牌邀請阿威拍廣告做宣傳，首次拍廣告嘅佢企喺肉檔前擺晒甫士，一點都唔緊張，表現輕鬆。阿威對於首接廣告，佢就話：「好開心，全靠『威威豬』的支持！我相信用心去做就係專業，喺街市嘅行業都唔例外！」

阿威好怕醜，叫佢Show手瓜耳仔都紅晒。

「威威豬」對於偶像接廣告都好興奮，仲話好開心可以換新Wallpaper添。

好搞笑嘅廣告相。

呢個角度好靚仔。