為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 05 月 10 日

汪明荃到澳門隔離21天 助手住隔離房大家可以有照應

汪明荃(阿姐)上周客串演出TVB新劇《回歸》,當時受訪透露本周會出發去澳門,為6月1及2日的澳門藝術節壓軸演出兩場演唱會。疫情以來,阿姐第一次離港,面對澳門21日隔離生活,都表示難以想像,而現正在新加坡旅行的家英哥則不會同行。

阿姐悶的話,可以玩吓直播同網民傾偈噃!

而昨晚(9日)阿姐於IG透露已經抵達澳門,同時分享多張照片,可見阿姐為這21日的澳門隔離之旅做足準備,帶夠2個行李箱,並且在入往隔離酒店前,食多個杯麵,之後就坐專車去隔離。睇相阿姐間酒店房都幾大,房內都叫有空間郁動吓。另外仲有個露台,不過可惜唔出得去,惟有隔住個窗望吓海,而窗前就有部運動單車,希望阿姐呢21日唔好悶親啦。

阿姐上周客串TVB新劇《回歸》時透露將到澳門工作。

家英哥喺新加坡旅行,唔會同阿姐一齊去澳門。

阿姐話晒第一次隔離,與助手要分開兩間房,樣樣都要自己處理,不過阿姐就話好彩助手房間就在她的房間隔離,大家可以有照應。

以前去歐洲先拎兩個行李箱,而家去澳門都要呀!

有露台但唔出得去……惟有隔住個窗,望景踩運動單車。