劉小慧蘇志威大女日本學成歸來 開心賀【母親節】

50歲嘅劉小慧同蘇志威結婚25年，兩人育有兩女，分別係22歲大女蘇君蕎（Yumi）及14歲細女蘇靖珺（Ina）。大女Yumi中六畢業後冇報讀本地大學，一向醉心研究甜品嘅佢想成為甜品師，曾跟本港五星級酒店廚師學藝，至2018年到日本深造，父母都好支持。小慧表示疫情前經常飛去日本旅行兼探大女，她曾在FB留言，「我最鍾意就係飛日本，可能個女又喺嗰邊讀書，簡直係成日去日本嘅最大藉口。」

兩個女愈大愈靚。

話咁快，大女學成回歸，小慧表示因為疫情兩年幾冇見過個女，「一家人，最緊要齊齊整整 大囡Yumi終於返嚟香港，之前喺日本讀書兩年幾冇見，兒女在身邊的感覺真好。祝大家母親節快樂！」

Yumi喺日本讀咗四年書。

因為疫情冇得去日本，兩母女只能靠視像通話。

一家人終於合體。