為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 05 月 08 日

蒙嘉慧疑噚晚食唔到麵撒嬌 網民問:鄭州伊麵?

鄭伊健與蒙嘉慧(Yoyo)早前被爆移居日本福岡,並在當地投資百萬港元開設房地產經紀公司。近日伊健在台灣忙於拍劇,而Yoyo就留在日本打理生意,Yoyo不時都在facebook分享吓近況,今日她Po出兩張於夾公仔店拍的照片,其中一隻反白眼表情的公仔引起Yoyo注意:「可愛い真係好想夾一個送比(畀)社長會計部,我禽(噚)晚食唔到嗰碗麵嘅樣。」網民都想知Yoyo係咪想借意向人在台灣的伊健撒嬌:「咩麵呢?」又問Yoyo係咪講緊「鄭州伊麵」?

網民好想知Yoyo噚晚想食邊碗麵。

一向很喜歡與網民交流的Yoyo都有回答吓網民問題,有網民質疑她年紀都唔細,仲玩夾公仔?Yoyo就表示:「老公係高手嚟o架!」果然講到玩,真係難唔到伊健呀,原來連夾公仔都咁拿手。有網民就將重點放喺隻公仔個表情度,「夾隻返去,當伊健唔做家務,show呢隻公仔畀佢睇!」不過Yoyo在家似乎唔使煩做家務,「佢忍耐力唔夠我高,佢一定會忍唔住做咗先……」真係幸福嘞!

Yoyo與老公鄭伊健早前移居日本,開設房地產經紀公司。

鄭伊健在台灣忙於拍劇,與老婆分隔兩地。

Yoyo於facebook分享近況,網民質疑她向老公隔空撒嬌。

啲網民真係好風趣。