為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 05 月 07 日

姜麗文母親早逝被問點慶祝母親節 主持賴彥妤被罵預備不足

姜麗文(Lesley)的親生媽媽梁盛子在她1歲的時候離家,自幼在單親家庭中長大的她,曾透露爸爸秦沛為爭撫養權耗盡全副身家,一手養大她和哥哥姜文杰。雖然她沒有憎恨生母,但對她亦沒有任何感覺。2016年梁盛子在加拿大因腦溢血猝逝終年60歲,有指兩兄妹都未有前往當地奔喪。

姜麗文母親早逝仍被問點慶祝母親節,TVB主持賴彥妤被責冇做功課。

姜麗文回應大方得體,表現零尷尬。

娛樂新聞台主持賴彥妤眼神望向攝影師,似乎有人「提水」。

Lesley早前剛從泰國返港,出席《愛回家之開心速遞》宣傳活動時,竟然被娛樂新聞台主持賴彥妤問到:「有冇計劃點樣同媽咪慶祝母親節呢?」」Lesley聽罷表現淡定,反而賴彥妤就好驚青,似乎有人提醒她「講錯嘢」,定眼望向攝影師疑被人阻止繼續發問,但Lesley就繼續大方回答:「母親節會同爸爸一齊慶祝,因為都有好幾年爸爸做單親,今年因為爸爸喺香港,所以會喺哥哥屋企煮餐好嘅畀佢食,同埋我都DIY咗嘢送畀佢。」

泰沛一手養大一對子女,一直父兼母職。

網友讚Lesley表現大方,並斥責賴彥妤在發問前沒有做好功課,「而家啲記者真係冇做好功課喎!咁尷尬嘅嘢,姜麗文答得好好呀」。現年27歲的賴彥妤,畢業於英國高雲地利大學法律系碩士,有兩個碩士同深造文憑學位,2020年參選港姐時已有「英國學霸」之稱;但在首輪已被淘汰未能進身準決賽,但最終仍加入TVB,現主力擔任娛樂新聞台主持一職。

賴彥妤是落選港姐,入行未夠一年,相信佢亦會汲取教訓。