為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 05 月 03 日

余德丞離巢返新工 拍住Do姐做DJ緊張到爆暗瘡

余德丞離巢1日即返新工,拍住Do姐做DJ緊張到爆暗瘡。

現年32歲的余德丞(Dickson)近年憑劇集《青春不要臉》人氣急升,5月1日突然在YouTube宣佈已離巢,與TVB結束8年賓主關係;當時未有透露去向,但就大爆自己一直對公司未能澄清點燈續命傳聞一事耿耿於懷。

Dickson朝早10半就起身,睡眼惺忪,將第一日返新工全部記錄低。

離巢短短一日,Dickson已經有第一份新工,原來是到商台擔任《口水多過浪花》的客席主持,與Do姐鄭裕玲、余迪偉和傑朱一齊做節目。昨日Dickson將第一日工作全記錄,拍片剪片全部一腳踢,好有衝勁!片中見Diskson朝早10點半便起身刷牙洗面,食埋個早餐就自己揸車出發到商台,由於錄音室不准拍攝,但亦有上載幾位主持的大合照,眾人亦有送上蛋糕,祝賀他開工大吉。

雖然係客席主持,但Diskson就話發誓下次會做得更好。

錄影完畢後,Dickson坦言第一日開咪表現太緊張,他說:「平時我就真係口水多過浪花,但今日去到《口水多過浪花》就真係一滴口水都冇,好緊張又驚講錯嘢。所以...做節目同平時做人吹水係唔同。」期間突然發現眉宇之間的暗瘡在短短一個節目時間已經「熟透」,可見佢情緒真係好高漲。雖然第一次表現麻麻,但他就舉起三隻手指發誓下周一再開咪,會更放膽給予讀者意見,做得更好。

送咗蛋糕歡迎Dickson。

談到為何會做DJ,Diskson指在2011年大學畢業後,曾申請過做商台節目編導(PA),但因犯了一個超級大錯誤,最終連面試機會都沒有。他說:「我係串錯咗人哋個姓,Mr.KWOK,我串錯KOWK,難怪會冇回音。好好彩,多謝商台,多謝Do姐,隔咗11年後畀多次機會我,喺大氣電波開咪,我會繼續努力,雖然有啲行,但就講到呢到,因為現在乜都係一腳踢,趕到今晚畀大家睇。」Diskson亦有在社交網留言:「十年前想做嘅一件事實現了!」

同Do姐鄭裕玲、余迪偉和傑朱一齊做節目。