為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2022 年 04 月 29 日

Stanley首擔正新劇《野人老師》 與鄭丹瑞演父子感開心

「TeamStanley」今年好多劇要追。

MIRROR成員邱士縉(Stanley)出道後有不少演戲機會,至今已經參演過11部劇集,但全都是做配角。昨日(28日)凌晨他於IG分享新劇《野人老師》的劇照,透露自己首次擔正做男主角。

Stanley最近劇接劇,《i.SWIM》拍完仲未播,已經拍緊《季前賽》同《野人老師》。

新劇與旦哥做父子。

向演員路進發的Stanley近年劇接劇,去年拍完《IT狗》就緊接拍《i.SWIM》,早前仍忙於拍攝《季前賽》,但原來他日前已悄悄加入另一新劇《野人老師》劇組。今日他於IG分享首次任男主角的消息:「終於可以講啦,呢排早出晚歸的原因!人生第一套男主角(劇集)。 知道嗰一刻當然好開心啦,但我發覺原來有好多人知道我做男主角比我更開心。」又透露新劇有鄭丹瑞(旦哥)做他爸爸,「有好嘅對手,有心嘅劇組,希望到時大家會喜歡。」據知同劇仲有MIRROR成員Frankie(陳瑞輝)、談善言及沈殷怡。TeamStanley(Stanley Fans暱稱)得知今年最少有三套劇要追看,都表示非常開心。

Stanley於IG透露首次做男主角。

《野人老師》仲有談善言(右一)參演。

阿旦在上周接受訪問時,就已首度公開會與Stanley合演父子,而劇集主題圍繞教育,並指希望年底前可以播出,「嚟搵我嘅都係年輕人,係第一次做導演,希望我可以幫到佢,於是……我能夠幫佢嘅……個故仔又幾好,一齊傾傾改改咁!既然係咁,做啦!幫到人,令佢終於可以一嘗導演夢咁幾好。」不過都話他未能拍太多夜班,希望劇組遷就吓佢,「能夠做得盡做,可以將我嘅經驗分享到,就盡量分享。我又唔覺得呢行青黃不接,其實代代江山代代有才人出。」但他自知可能是年輕人認為的寶藏,同時也可能是負擔,因為年輕人不一定要聽他說,「你想聽我就講,接唔接受唔緊要,而家後生完全有自己世界去做,唔好話出面啲年輕人,我兩個女都未搞得掂,佢哋有自己人生o架!」

Stanley於《IIT狗》的表現獲讚。

阿旦早前已首度公開會與Stanley於新劇合演父子。