為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 親子天地  > 系出名門 2011 年 02 月 22 日

名B奧斯卡

奧斯卡頒獎典禮年年有,今年將於美國時間27日舉行,各獎項的爭逐戰況激烈。其實本地明星第二代,年紀輕輕,有排都未能繼承父/母業角逐獎項,論人氣、論天份,卻絕對有資格成為明日之星,因此這個「名B奧斯卡」,各個大獎都有實至名歸的星二代得主。

鬼馬新星 謝振軒(Lucas)3歲

謝霆鋒與張栢芝所生的Lucas,盡得謝家真傳,又靚仔又精靈,仲經常扮鬼扮馬搶晒風頭。去年中,栢芝偕Lucas出席周星馳新片記者會,一時扮肚痛周圍行,一時搶咪撩傳媒,連星爺都坐埋一邊淪為配角,鬼馬新星獎項非他莫屬。

Lucas盡得謝家真傳,似爸爸霆鋒咁有型靚仔,在媽媽栢芝身旁,則顯露出其嬌嗲一面,夠晒百變。

Lucas曾經在機場內扭計拖喼匿埋,扮大人離家出走,睇見唔知好嬲定好笑。

富貴姊妹花 李晞彤(Leanna)3歲 李晞兒(Hayley)1歲

恒基兆業集團主席、坐擁千億身家的李兆基,06年底娶新抱徐子淇,翌年子淇便為李家添了女孫李晞彤,前年5月再為丈夫李家誠添一女,名李晞兒,兩女除於百日宴曝光外便過着隱世富貴生活,含住金鎖匙出世,唔使講,都知前(錢)途無限。

晞彤經常笑面迎人,似足媽咪徐子淇做得善事多,人都開朗啲。

神秘小小小超 李長治(Ethan)1歲

梁洛施於09年4月為電訊盈科主席李澤楷產下兒子李長治後,才把二人戀情公開,其後盛傳長治長居美國甚少曝光。去年梁洛施低調地再為長治添了兩名弟弟,一家幾口儼如隱世富豪,神秘難測。

李長治(Ethan)

早熟潮妹 陳康堤(Constance)6歲

為陳奕迅與徐濠縈掌上明珠的陳康堤,自小已被父母灌輸知識的重要性,爸爸送書媽咪教書,令康堤順利考入拔萃女小學。重學養也重包裝,康堤有個至潮媽咪,6歲人仔的衣着也以型潮為主,緊身褲西裝褸扮大人,又出奇地襯。

陳康堤(Constance)

永遠影「後」張慕童(Morton)4歲

採取嚴母教仔法的袁詠儀,自張慕童(魔童)1歲大已經讓他接受教育學習語言,一星期上足三日課,英語、國語相信都相當流利。不過講到最優勝之處應該是避鏡頭搵窿捐,事關袁詠儀及老公張智霖均不希望魔童曝光,一見記者即要個仔做蒙面超人。

張智霖與袁詠儀不欲兒子魔童曝光,即使在微博上載家庭樂照片,也只有魔童的側面或後面。

攝影達人 劉昇(Chace)1歲

樂壇天后陳慧琳於09年7月為丈夫劉建浩誕下兒子劉昇後,樣樣事皆以家庭行先,也未敢遠行工作離開愛兒太久,愛子之心躍然紙上。不過為了滿足傳媒,陳慧琳定期為Chace拍攝硬照公諸同好,細細個就不斷接觸攝影呢門艱深學問,睇怕將來劉昇大可朝住攝影師進發。

劉昇(Chace)

表演狂迷 鍾懿(Blythe)6歲

鍾鎮濤與范姜所生的女兒鍾懿,自小便遺傳了爸爸的音樂天份,而且非常有表演慾,多次當眾獻唱晒歌喉,早前溫拿舉行演唱會,鍾鎮濤更偕鍾懿合唱兼逗利是。鍾懿跟很多小朋友一樣,課外活動多多,事關鍾鎮濤希望讓女兒發揮個人興趣,盡展所長。

鍾懿(Blythe)

上鏡混血兒 Hilary 13歲

上山詩鈉與首任丈夫所生的女兒Hilary,細細個就眼仔睩睩靚爆鏡,仲被媽咪教到知書識禮,斯文又高貴,到現在13歲依然公主裙不離身,五官更覺標致,眉清目秀,再多幾年參加選美,應該都靚過晒啲港姐。

Hilary

獨立「菲」女 竇靖童14歲

有個天后巨星王菲做媽咪的竇靖童(左),自小就倔強獨立,返學、踢波唔使人湊,到現在亭亭玉立,脫下眼鏡塗點口紅,少女味即時散發晒出嚟,而且仲盡得媽咪靚嗓子遺傳,歌喉出色,走搖滾型女路線最適合不過。

竇靖童

冷面後人 陳是知(Jillian)4歲

06年6月低調為男友陳可辛產女的吳君如,明顯不想女兒曝光太多,並對女兒管教相當嚴謹,歲半已經入讀每年學費10萬的Playgroup,又讓女兒學畫畫及彈鋼琴,今年4歲的是知外表硬朗,跟父母出席公開活動唔怕醜唔笑唔整蠱做怪,甚有台型。

陳是知

焦點女主角 甄濟如(Jasmine)7歲

宇宙最強的甄子丹與名模汪詩詩所生的女兒Jasmine(右二),自小已經非常有表演慾,出席活動做唔到主角就會扁晒嘴,也試過擔大旗獨自行Catwalk,扭身扭勢有板有眼,雖然汪詩詩話過有時對住個女要硬心腸,不能盲目順從,但Jasmine咁有天份,成為最強女主角指日可待。

甄濟如