Mike導創業開攀石場 叫離職Agent L過檔人工一定高過ViuTV
Mike導創業開攀石場 叫離職Agent L過檔人工一定高過ViuTV
因製作《ERROR自肥企画》爆紅的Mike導（劉諾衡），人氣居高不下，甚至不遜於ERROR四子。他得到不少廣告商青睞，狂拍廣告賺外快。近日Mike導就決定創業，在社交平台將消息公告天下：「喺度正式同大家宣佈，嚟緊我會同幾位拍檔開攀！石！場！小弟我非常鍾意做運動，由細到大喺運動入面得到嘅嘢實在太多太多，體魄、意志、友誼……非常希望大家都可以喺呢一個即將會出現嘅地方感受到我感受過/感受緊嘅嘢！！！完！」
Mike導熱愛運動，經常上載攀石短片。
據知「無制限OT編集団」又要籌備新節目。
Agent L撐Mike導，笑言過檔人工一定高過ViuTV。
Mike導一出post，即獲不少好兄弟力撐，「無制限OT編集団」成員輪流在IG Story開心share，其中將離職ViuTV的Agent L出post撐他做老闆︰「你個笑容咁真摯，梗係要支持下啦」，不過Mike導抵死回覆︰「唔知點解覺得你係串緊我」、「一世人兩兄弟搵唔到工嘅咪過嚟做囉，一定高人工過ViuTV」，Agent L好坦白：「呢個真」！
喺《香港秘密搜查官》，徐㴓喬曾跟Mike導喺涯崖宿一宵。
