為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 12 月 27 日

泳兒感動到落淚 張敬軒孖Tyson yoshi 合唱《孤單公園》

The next 20 張敬軒演唱會來到第四晚,boxing day 拆禮物大日子,軒仔再派大禮,請來Tyson yoshi 及泳兒任嘉賓,觀眾一晚拆兩份禮物,再加上兩度安歌,非常開心滿足。嘉賓環節,軒仔介紹Tyson yoshi時表示,他們兩人相遇很奇怪,「我係訪問佢的人,佢個日重激嬲我,竟然同我講,細細個就聽你個首《孤單公園》o架啦 !之後我膽粗粗問佢,你來做我嘉賓好不好?」現場歌迷已經醒目估到係Tyson, 歡呼四起。Tyson重帶住枝大形玩具槍上台,一上來就向軒仔發射,十分頑皮。軒仔反搶槍想報仇,但因為唔識點開槍最終失敗。軒仔話口渴問工作人員拿水,料不到係細心拿出Tyson最近半裸爆肌出代言的冰涼水,飲一啖笑住話,「嗯,幾好味」Tyson笑到唔識反應, 軒仔又話: 「為左你我特登去買左尼個牌子水飲下,我係香港咁內,未見過有個裸男賣廣告,今日boxing day… 你著件T上來,係咪準備比我拆禮物呀!」 觀眾即起哄叫Tyson除衫,Tyson就跑過去拉軒仔外套上面的打結,「你似拆禮物多d 喎....」又叫大家唔好信,飲佢成言枝水係唔會豐胸,非常搞笑。

 

 

張敬軒問Tyson,「你話細細個鐘意我,究竟幾細?你咪亂講野呀...」Tyson驚驚青青答,「中...中..中學。小學個陣你未入行 .....」

 

張敬軒問Tyson,「你話細細個鐘意我,究竟幾細?你咪亂講野呀...」Tyson驚驚青青答,「中...中..中學。小學個陣你未入行 .....」軒仔即滿意表示,「嗯!你小學我未入行,講得好有前途!」Tyson隨即回應,「多謝大佬,多謝大佬。」軒仔話,「你講咩話?好啦,咁我收你做靚」笑死觀眾。講到歌,Tyson不停狂讚軒仔首《孤單公園》係勁到冇人有,「我以前諗,如果要做廣東歌,一定係孤單公園咁,當我知呢首歌係你有份編曲時,嘩,我簡直對你尊敬直線上升!」軒仔笑答多謝並說,「咁我交個台比你啦,前個幾晚你個正印來o左,今晚輪到你施盡混身解數!」Tyson就向觀眾揮手,「你好,我係Tysonyoshi!今晚o既廁所位!」觀眾即歡呼四起,「有人話我正印係林家謙, 個晚我諗,我上台唱咩好,我女朋友即冷笑一聲,咁我唯有唱christy 啦!隨即就獻上《christy》比大家。一份禮物拆完,安歌後,軒仔又為大家送上另一份禮物,請來泳兒出場,與他合唱平日極少公開場合演唱過的《 石徑》。軒仔謂 這次寫演唱會rundown ,發現好多歌,咁多年都係唱得個一次半次,既然係聖誕節最後一晚,想唱一首未唱過的歌,但呢歌一個人搞唔掂,想搵佢來幫我,我同佢好有緣,2005 年舊唱片公司人事變動,我被投閒致散,宣傳錄音又少,冇收入,恩人周國豐,叫我去做港台節目,一份工做DJ, 一份 Tvb 8 頻道做 VJ報娛樂新聞, 個段日子好難忘,係港台返工張一日,就收到呢位歌手第一隻派台碟 《感應》!歡迎我特別嘉賓vincy,我的小師妹。」Vincy上台後,已經開始眼濕濕,「多謝你,台下面聽你講,我已經好感觸, 我第一隻派台碟係你手,我冇乜人識,第一個小小演唱會,你都願意來幫我做嘉賓....」隨即已經熱淚盈眶,軒仔幫忙Vincy 擦眼淚之餘,再鼓勵她,「每個人也是由一張白紙開始,只要肯努力,聽眾耳朵係雪亮!你一定會有好成績!」

Vincy上台後,已經開始眼濕濕,多謝軒仔的支持和幫忙。