為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2021 年 12 月 29 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

減齡更健康

疫情曠日持久,而且對於何時能真正撲滅病毒,到目前為止仍未有醫學專家有信心作出可靠預測,甚至有討論聚焦究竟新冠病毒會否變成風土病。早前,香港人常用嘅搜尋引擎公布本年度熱門關鍵字,「預約接種疫苗」和「強制檢測大廈」都進佔三甲位置,可見對健康嘅關注已經深入普羅大眾生活當中。有見及此,嚟到今年最後一次同各位讀者開Chat,我希望圍繞健康主題,睇睇保險業點樣將健康融入服務,順道預祝各位來年身體健康。
疫情下大家更注重健康,係意料中事。參考利馬(ReMark)於今年六月進行嘅《全球保險消費者研究》,於五百一十五位香港被訪者中,七成七表示疫情促使佢哋更主動管理健康,亦有近六成人曾於疫情期間升級人壽或健康保險計劃,相信除咗個人更注重保障,亦關乎保險公司不斷推出貼合市場需要嘅計劃。

有討論區調查發現,健康習慣難以持續的一大原因是無人陪伴,生態圈加入社交和遊戲元素可增加推動力。

 


傳統純粹提供賠償保障嘅保險模式仍有需要,但現時壽險或健康保一般附加健康管理服務選項。如早兩期講過嘅中國平安(2318),於今年十月將高端健康管理中心加入「大健康」體系,進一步打通產業鏈上下游。
雖然愈來愈多人明白,單靠「頭痛醫頭,腳痛醫腳」只能治標,必須從根本着手養成良好生活方式,先可以維持體魄強健,不過人難免有惰性,有時會輕易搵藉口放棄辛苦養成嘅習慣。事實上,利馬同一調查亦發現,全球二十二個地區、一萬二千八百餘名受訪者中,二○二○年疫情初爆發時七成六話對健康抱有更積極態度,但到今年已經跌到六成七。如今疫情仍未消散,市場必須提供更多誘因令大眾重拾熱情,以維護公共衞生。
我留意到中銀人壽最近推出「大家減齡」健康平台,用降低生理年齡作為推動誘因。項目團隊亦總結出,社交分享對身心靈健康至關重要,因此特別為計劃添加社交元素。用戶可以同家人和朋友建立群組排行榜,比併減齡成果,為堅持健康生活提供推動力。初試期間用戶每月發出逾二千五百個好友邀請,夾埋平均減齡三年四個月。平台亦包括遊戲競賽,令用戶嘅健康旅程更有趣味。
化妝品標榜有逆轉肌齡功效我就聽得多,但量度生理年齡究竟係靠咩指標?「大家減齡」引入一個生理年齡演算法,透過智能手表或電話,手機應用程式可讀取睡眠時數、BMI、靜息心率、動態卡路里及步數等資料,從而演算出減齡成果。
近年可量度身體數據嘅智能裝置興起,利馬統計亦顯示,本港被訪者中三成三已擁有可穿戴裝置,另三成六未擁有但有興趣嘗試;至於健康應用程式,就兩成八人用緊和四成三諗緊。而且五成七港人認為保費折扣,係佢哋願意同保險公司分享體能活動數據嘅誘因。呢項調查反映健康生態圈市場空間廣闊,保險公司亦可透過呢類計劃宏觀地了解香港人健康狀況,從而優化保險產品設計,確實係共贏。