為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 12 月 24 日

樊亦敏為喊戲搞到甩頭髮 麥秋成演二世祖入型入格

以專賣舊物二手店為故事背景的《異搜店》,以奇幻風格將四個單元故事包裝成個別感人故事。李成昌飾演的馮立堂,是二手店立堂記老闆,育有一子馮祖輝(麥秋成飾)及一女馮祖儀(陳曉華飾)。原本立堂記由輝打理,可惜因穿櫃桶底東窗事發,改由女兒儀頂上;深感不忿的輝遂對儀充滿敵意,不予幫忙之餘更冷嘲熱諷。雖然《異搜店》是秋成首部演出劇集,卻意外贏得大量正評,並獲封頭兩集亮點:「麥秋成睇住常在德(指李成昌)啲錢」、「慈母多敗兒」、「太子爺穿櫃桶底賭波?!」、「搵個伙記幫敗家仔秋成頂罪,事頭婆卑鄙」、「太子手腳唔乾淨,仲要蝦個妹」。對於角色獲好評,秋成坦言開心:「始終第一次參演TVB劇集,會緊張觀眾反應,聽到有網民話想兜巴星我,證明都做得到角色要求。(太太湯怡點睇?)佢話覺得好好笑,因為未見過我呢一面。」

 

 

 

 

樊亦敏飾演的黃少娣因患腦癌變得暴躁,致與老公昇及女兒子晴關係決裂。

 

首個單元故事主角為黃少娣(樊亦敏飾)、韓昇(陳嘉輝飾)、韓子晴(李君妍飾)及陳美娜(甄詠珊飾),劇情講述娣因患腦癌變得暴躁,致與老公昇及女兒子晴關係決裂;昇及後移情娜,子晴亦離家出走。在娣病危之際,韓家之前供奉的守護神公雞神像阿Gai出現,並引領子晴見回病母…昨晚一集有不少感人場口,樊亦敏不但放下包袱「哩啡」演出,更不時爆Seed破口大罵!對於樊亦敏唔搞笑轉玩悲情,網民均大為受落,除對其遭遇大表同情,並大讚她演得出色:「做發爛渣師奶真係入型入格」、「個女同老公嫌佢窮嫌佢賣雞嫌佢Cheap」。 對於喜獲好評,身在內地的樊亦敏接受電話訪問時連番感謝幕後一眾功臣:「多謝監製信任我,多謝梳化服同事設計嘅造型,真係幫到我進入角色。今次呢個角色都幾有挑戰性,因為患病都幾嚴重,所以個妝唔會係靚妝,甚至會化到泥黃色。同埋因為要進入狀態,對日常情緒係有影響嘅,我入咗角色後都甩咗一撮頭髮仔。」

網民對於飾演子晴的君妍亦讚不絕口,除了讚她樣靚身材正外,學生妹造型有吸引力兼有說服力外,更力讚她演技好:「李君妍同陳嘉輝講話阿媽病咗嗰Part睇到我眼濕濕」、「唔係人人Carry到咁短頭髮,李君妍係真女神」。至於曉華及廣沛,網民指二人進步不少且演出自然,讓人看得舒服。而網民對於靈異題材亦似乎相當受落:「劇情幾吸引」、「氣氛有啲詭異,睇到我個背脊有啲寒寒哋!幾好睇」、「金宵有隻貓,異搜有隻雞」、「鋪排得幾好,咁就遇到佢嗰女」、 「呢套劇掂,用舊物連繫物主嘅故事,串聯每個角色去發展故事」。

 

 

網民對於飾演子晴的君妍亦讚不絕口,除了讚她樣靚身材正外,學生妹造型有吸引力兼有說服力外,更力讚她演技好。