為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 12 月 23 日

張秀文正式榮升人妻  金牌媒人林盛斌:又搞掂一單

林盛斌到場見證張秀文出嫁。

34歲張秀文上月在社交網貼出婚照,宣布喜訊嫁「皮草太子爺」王大業堂弟、年賺千萬的金融才俊男友王大權(Billy),當時曾透露打算在明年辦婚宴,原來二人今日已行禮,張秀文正式成為王太。二人的金牌媒人林盛斌(Bob)今午在網上貼出到教堂見證張秀文出嫁的照片,他與一對新人在以花束佈置的教堂前合照,當中見到新娘子張秀文笑得甜蜜,而新郎的表情就顯得有點緊張,Bob寫上簡單留言祝賀:「又搞掂一單!恭喜恭喜!」陳敏之及張名雅則以「拍掌」emoji道賀。

張秀文婚後會否收起性感?

林盛斌是張秀文的媒人。

林盛斌回應出席張秀文婚禮表示好開心,因見到有情人終成眷屬,他說:「要好多謝佢哋特別安排,完咗簽紙儀式之後,佢哋喺教堂入面同屋企人合照,影完兩張最重要嘅男家女家之後,主持人開咪叫我上去單獨同佢哋影,突然之間覺得自己地位好崇高,哈哈!成個過程都好感動,特別係佢哋講誓言嘅時候,我都眼濕濕!最好笑嘅係佢哋嘅爸爸媽媽同親戚不斷咁同我講多謝,有兩個親戚仲問我有冇筍盤介紹俾佢個女!仲有新郎哥實在太客氣,我都俾佢嚇一嚇,無啦啦塞咗封利是我,我話唔使搞呢啲嘢,推推拉拉咗一輪,佢話一定要收,啲賓客又喺度望住,搞到好鬼尷尬,哈哈!總之衷心祝福佢哋幸福快樂,快快脆脆生幾個小朋友啦!」

陳敏之及張名雅留言送上恭賀。

張秀文今日成為王太喇!