為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 12 月 22 日

朱敏瀚獲封「芝加哥殺手」有望上位做男一

台慶劇《拳王》本周進入結局周,劇情更加緊湊。朱敏瀚(朱仔)和張振朗為演好角色,一齊苦練爆肌,其實今次已是二人第三次合作,自然份外有默契。張振朗受訪時感激朱仔這個靈魂伴侶一直陪著他踏上「拳王」之路:「好開心喺工作路上可以遇到一個咁好嘅夥伴,可以陪你一齊為咗一件事瞓身。我哋喺開劇一年前就已經一齊操,基本上成日一齊出出入入。喺我嗰12日擂台戲,有8日都係朱仔車我返工,因為佢知我攰到冇可能揸車。」振朗又指二人Free Flow發揮比預設動作更好:「因為我哋都好了解大家,反而打得更真實。」

朱仔自爆被振朗改了一個搞笑花名:「佢成日笑我係『芝加哥殺手,專打自己友』!因為我成日整到佢。」朱仔又指由於他只有一場擂台戲,故此份外珍惜,最後衝刺時更拼命甩水望達至最佳狀態。朱仔的付出亦沒有白費,獲網民激讚:「原來朱仔打拳都打得吓」。憑《換命真相》殺入「萬千星輝頒獎典禮2021」最佳男配角五強的朱仔,更與憑《拳王》同樣殺入五強的黃子恒齊齊被睇高一線。

另外,蔡潔與衛志豪早前在社交網上載了二人的「孖妹」造型,獲留言笑指有點似樣。原來衛志豪是蔡潔劇中的電單車替身,更大方借出心愛的電單車給劇組拍攝,蔡潔留言感謝衛志豪謂:「有一次我差啲跌,好彩你救到,I mean架車!我唔識揸電單車又為我擔任替身,又幫大家影咗好多靚相,還要兼顧劇中演出,辛苦喇。」

張振朗和朱敏瀚默契十足,Free Flow發揮比預設動作更好。

 

朱敏瀚雖然只有一場擂台戲,但最後衝刺時都拼命甩水望達至最佳狀態。

 

 

 

 

 

張振朗拍12日擂台戲,有8日都係朱仔車佢返工,兩兄弟感情非常好。

 

 

 

憑《換命真相》殺入「萬千星輝頒獎典禮2021」最佳男配角五強的朱仔,更與憑《拳王》同樣殺入五強的黃子恒齊齊被睇高一線。

 

 

 

 

 

衛志豪是蔡潔劇中的電單車替身,更大方借出心愛的電單車給劇組拍攝。