為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 12 月 06 日

心痛囡囡疑食物有問題高燒入院 賈曉晨患壓迫神經症行唔到路  

賈曉晨買咗疑似有問題嘅士多啤梨。

賈曉晨(JJ)同樊少皇結婚後,誕下兩個可愛女兒「小飯兜」同「小飯團」,但做全職家庭主婦實在太辛苦,JJ早前喺微博宣布要復出拍戲,但兩個女咁細,又點可以一下子放手。

 

原來JJ患咗壓迫神經症,搞到腳痛行唔到路,要卧床一星期。

JJ日前又為囡囡而煩腦,透露自己平時精挑細選食材,點知都「中招」,畀咗啲疑似有問題嘅士多啤梨畀大女「飯兜」食,搞到囡囡喊住話肚仔痛唔舒服,仲發燒至38.7度,嚇到JJ立即送囡囡入醫院。佢話擔心大家以為佢多疑,除了上載士多啤梨的相片外,仲透露自己食咗幾粒後,都覺得有啲唔舒服,怒斥不良商家賣有問題嘅食物,呼籲大家要小心,注意食物安全問題。佢好無奈咁話:「看到孩子開心,我更開心;孩子難受,我更難受。」

大女小飯兜早前發燒入院。

士多啤梨嘅椗位好似白咗啲。

JJ仲有感而發,話做媽媽真係一啲都唔容易,原來佢患咗壓迫神經症,導致腳痛不能走路,已經卧床一星期,但為咗囡囡嘅生日派對,都要忍痛親手幫囡囡佈置生日布景板,母愛真係好偉大。

JJ照顧兩個女都好辛苦,早前話要復出。

JJ撰長文怒斥無良商人。

小朋友病,最心痛就係父母。