為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 12 月 04 日

張繼聰片石喺囡囡面前失威 想地球唞吓拒唱《倒轉地球》

張繼聰同老婆帶埋囡囡去沙灘玩。

張繼聰同老婆謝安琪(Kay)育有一對仔女,一唔使開工,阿聰就會做住家男人,陪老婆謝安琪(Kay)同仔女享受家庭樂。日前張繼聰又同Kay帶埋囡囡張靖(Karina、乳名Kakaball)去沙灘玩,留言:「放假,要盡情!」

即場表演片石,點知兩吓就沉沒。

戴住一頂西部件仔帽嘅張繼聰心情大靚,即場表演片石諗住威畀囡囡睇,姿勢十足,但舊石片咗出去唔夠兩吓就沉沒咗,連幫手拍片嘅老婆都忍唔住笑話:「呵呵呵,好屎噃,點呀!」

而另一段片,就見到阿聰喺沙灘扭身,有網民問阿聰點解唔唱最近hit爆嘅《倒轉地球》,阿聰親自回答話:「畀自己同個地球唞吓!」網民都話「答得妙」。

跳番part舞先。

Kay同囡囡都有行落水。

小朋友,踢下水都開心嘅。

大仔未有見身,阿聰同Kay及囡囡經常三人行。

有網民問阿聰點解唔唱番首《倒轉地球》。