為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 11 月 16 日

陳敏之曾被嘲「戲屎」拍乜都鬧 嘆藝人常被批評易患抑鬱

陳敏之嘆藝人易患抑鬱症,容易被一句說話影響力情緒。

出道14年的王君馨早前接受好友陳敏之的網上節目《Chi Chat》訪問,最新一集兩女大談初入行的辛酸,君馨表示自己人生最低落一刻,是入行頭一年已發生,慶幸自己經歷得早,現在才更懂得珍惜所有。她表示由港姐到《舞動奇跡》可說是一個高峰,接着又做飲食節目《日日大食神》,但隨之而來亦有很多負面聲音,她慨嘆:「啲人又乜都批評,乜都讚,跟住就乜都批評,咁你就會覺得原來呢一行啲人對你嘅意見係可以一日之內就改變晒!」

王君馨出道14年,遇過事業高低。

而敏之亦表示也承受過同樣的挫敗,她說:「我發覺真係好容易有抑鬱,係極容易!你唔好睇我樂觀,但問題係你承受過,我都承受過,我拍咩劇都鬧,話我啲戲屎啊!唔好啊!講嘢唔好啊!總之我唔知啊,每一個身體部位都話過你唔好,甚至乎話埋你屋企人,都一定有啦。」她表示每次被寫,或網民的留言都可以是一個鼓舞,或令藝人跌落人生谷底。

君馨跳舞向來被讚,但也曾在上跳舞班時,遭旁邊的女生反白眼說:「嘩,呢個係王君馨啊?!」她直言不明白對方意思,但如果身在紐約會反擊寸返對方,但現在肩負着香港小姐的身份,唯有作出忍讓。

王君馨學跳舞時,曾遭同學白眼。

 
 

君馨直言肩負港姐身份,有時都不能盡顯真性情。

敏之予人感覺好樂觀,但原來都有好多負面情緒。