為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 11 月 11 日

薛家燕同5個月大孫仔唱《皆大歡喜》

薛家燕(家燕姐)今年5月升呢做嫲嫲,兒子石耀庭(Jackson)和太太陳素怡(Zoe)誕下可愛囝囝Julian,好可愛!雖然近日因為屋企裝修搬進酒店暫住,但新抱仔每周都會抱Julian見吓家燕姐。日前家燕姐上載一條開心影片興奮留言:「我的孫兒剛好五個月,竟然可以同我合唱《皆大歡喜》!真係『人生多驚喜』!」

片中見家燕姐哄孫仔笑,跟他互動,對住他唱《皆大歡喜》,片中見Julian張開小嘴,大聲為嫲嫲做和音,唱到最後,家燕姐追加唱多句「人生多驚喜」,豈料Julian好似識聽咁,真係再大大聲附和,情景搞笑,o氹到家燕姐係咁笑,猛讚Julian叻仔!Julian轉眼間經已5個月大,正牙牙學語,而且臉圓圓好精靈、頭髮濃密好可愛,長得跟爸爸餅印一樣。王梓軒留言大讚嫲孫互動片「好正!」、「啤梨」葉文輝話:「笑死我啦,妳同BB都好可愛!」瑪姬則讚Julian好叻仔。

 

 

 

 

家燕姐今年5月升呢做嫲嫲。

 

 

 

日前家燕姐上載一條開心影片興奮,表示同五個月大的孫仔合唱《皆大歡喜》。