為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 11 月 11 日

一日食5餐增磅40磅 張振朗巨腩照曝光

 「擂台拳擊,總會分出勝負,而人生旅途,卻難判斷得失。」由陳耀全監製的無綫台慶劇《拳王》,將接檔《星空下的仁醫》播出。以拳擊為主題,著墨探討人性的《拳王》,主要演員有黎耀祥、張振朗、黃子恒、朱敏瀚、姚子羚、蔡潔、賴慰玲、譚俊彥、鄭子誠、許家傑、翟威廉、冼灝英、李君妍及孟希璘等。

早前,《拳王》官方網站「拳王The Ringmaster 2021」發布了首條宣傳片,由男主角之一的張振朗擔任旁白:「你嘅擂台喺邊度?每一日我哋為生活、為現實搏命,但呢個係咪唯一嘅選擇?試吓忠於自己,為一個信念去奮鬥,唔好由其他人去定義你嘅價值。」配以祥仔戲味十足的表情、緊湊的氣氛以及主角們努力奮鬥的操練畫面,相當熱血。在相關宣傳片中,振朗苦練多時的爆肌造型亦終於曝光,脹爆的胸肌配以零脂肪、線條靚絕的無敵朱古力肌,吸睛度爆燈!

 

 

張振朗苦練多時的爆肌造型亦終於曝光。

 

據知,振朗為了Build出靚肌確是下了不少苦功。早於劇集開拍前一年多,他已開始為操肌做準備,第一步是谷肥自己:「當時一日食五餐,主要都係牛扒同大量嘅飯,因為要先谷肥,增加脂肪同埋肌肉,咁樣操番弗嘅時候啲肌肉先至會更加有份量。」「日食夜食」食足一年後,振朗成功「泵脹」自己,增重多達40磅之餘,更谷出驚人巨腩,他笑言:「增肥嗰陣咁啱有兩套劇出街,就係《使徒行者3》同《踩過界2》,當時好多人話我肥咗。」

接下來的半年,便是地獄式的操肌訓練以及超清淡健康餐單;據知由於吃白烚雞肉吃到懷疑人生,振朗聽從教練建議飲雞水:「因為每一日食嘅(雞肉)量要好多,飲雞水可以補充到足夠嘅蛋白質,又唔使好似食擦子膠咁,個過程幾有挑戰性,辛苦但係對自己身體了解多咗。」觀乎製作組發布的宣傳照,振朗全身上下均弗至無懈可擊,就連背部線條亦操得相當完美,可見下了不少苦功。張振朗在劇中飾演為復仇去到好盡,性格正直熱血,黑白分明,堅毅不屈的海正藍,並會與祥仔、子恒及朱敏瀚有大量對手戲。

 

 

張振朗為了拍劇「日食夜食」食足一年後,振朗成功「泵脹」自己,增重多達40磅之餘,更谷出驚人巨腩。

 

 

 

 

 

張振朗當時一日食五餐,主要都係牛扒同大量嘅飯,誓要先谷肥自己。

 

 

 

據知張振朗由於吃白烚雞肉吃到懷疑人生。