將軍澳好跑新路線

疫情關係好多朋友更注重健康，跑步成為最易入門運動，無論日間晚上，都見到好多人在練習。街跑人都貪新鮮，常常互通消息，發掘有甚麼新路線可以舒服跑。朋友Morrissey和Elco邀請跑將軍澳，原來十分正。
這個「賞你跑TKO」比賽（見圖）由十月十七日到十月三十一日，有個人五公里及賞跑二人組五公里。以虛擬、先到先開跑方式進行，在不同時間出發。筆者參與的一組，個人賽和二人組跑手都十分投入，沿途有專人指示路線，仲見到樂家跑會嘅創辦人陳家樂和教練姚潔貞。

 

難得當日天清氣朗，有風、不太熱，跑手先由石角路停車場開始，泊好車便可以出發，先穿過隧道、上樓梯、再經過巴士總站，向海邊跑去，之後過橋，跑到二點五公里折返點，再沿原路返回終點。
這條路線的好處，是路程不算長，可以鍛煉到心肺功能，而五公里內有齊上落斜路、樓梯、平路交錯，可以鍛煉不同肌肉，而且沿途左邊是海，右邊是一排排綠色樹木，景色怡人，眼睛不會悶。
將軍澳作為一個發展愈來愈成熟的社區，建設算相對生活化，既有海濱長廊又有單車徑，即將落成的將軍澳跨灣大橋，肯定會是另一個景點，皆因它將會貫穿康城，連接將藍隧道，縮短由康城往返將軍澳南的路程，更重要是除了行車，也有行人路同埋單車徑，到時就可以跑着或踩單車過橋，享受人車共融樂趣。
「賞你跑TKO」比賽由九龍建業主辦，配合他們將軍澳新盤海茵莊園一種別開新面的推廣，帶動區內居民走進綠色生活，其實佢個盤正正就係石角路，將來搬入去後，真係一落街就可以跑。
當日唔少九建中人都有跑埋一份，佢地自己都注重健康，難怪願意花心思度橋，推動社區綠色生活。