為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 10 月 16 日

馬德鐘鐘入行 28 年感恩常遇好拍檔

  馬德鐘接受香港電台訪問,細訴在影視圈多年,曾共事的明星不計其數,每一次合作都令他獲益良多。他又分享與太太 28 年婚姻的相處點滴。視帝馬德鐘入行 28 年,之前當過警察及要員保護組(G4),最難忘是負責保護戴安娜皇妃和查理斯王子。他直言 1993 年入娛樂圈時的目標是當男主角:「可惜剛入行已經冇得做小鮮肉,喺劇集《創世紀》已經做大佬(角色)。而家嘅《我家無難事》我依然係一舊臘肉,只係肥膩咗少少……」馬德鐘初入行第一次北上少林寺拍攝古裝劇《武尊少林》,當年同劇演員陣容鼎盛,有溫兆倫、張兆輝、歐瑞偉、黎姿,還有體操王子李寧。他憶述:「當時輝哥(張兆輝)同瑞偉(歐瑞偉)已經係明星,但係冇架子,好照顧我。最近(我)見到李寧,佢仲記得呢套劇,不過就唔記得我呢個小角色啦!哈哈哈。我好記得佢好勁呀,時時都有翻滾嘅動作!」

 

 

 

 

 

 


在眾多合作過的藝人前輩當中,馬德鐘表示劉松仁最令他印象深刻:「佢好犀利,對戲劇嘅處理好有一手,仲提點我哋要注重藝德,即藝人嘅品德,要尊重自己嘅行業,唔好踩自己嘅行業同公司,呢個係一門藝術,我聽咗之後好有使命感。另外,汪阿姐係好演員,守時、做足功夫。同羅嘉良合作,我欣賞佢嘅內心戲。靚靚袁詠儀 fit 到不得了,我未見過佢 NG,無論對白幾長都一氣呵成。宣萱呢個老拍檔更加難得,(為人)好爽朗,我哋兩個都係好積極嘅演員,每場(戲)都跑去化妝間換衫,唔會浪費任何時間,所以一定早開工!」


談到家庭,馬德鐘太太是位哲學博士,也是學霸。兩人如何相處?


「我哋結婚 28 年,相處得好好。佢係一個好堅持嘅人,做事一定要做到 200 分,好投入,我比較輕鬆,佢可以 15 個鐘頭做一件事,我唔得,我要飲吓咖啡,聽吓音樂,咁先至會有靈感……我哋點樣相處?一齊做運動、一齊去超市、一齊食素、生活情趣唔使刻意去做。其實我地一直同步,佢行佢嘅路,我行我嘅,一齊向前行,兩人未必要做同一樣嘢。而家我已經超過 50 歲,所謂 50 知天命,我學識『物來則應、事過不留』,過去咗不用留戀,新嘅事物順應去做已經足夠!」