為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 09 月 29 日

黎姿生活非常貼地 帶囡囡搭港鐵獲網民大讚

黎姿帶囡囡搭港鐵。

黎姿在2008年嫁予富商馬廷強,婚後誕下三女。現時貴為上市公司CEO,身家豐厚,但她生活卻過得相當貼地。日前(27日)她在社交網上載幾張新相,竟然是帶囡囡搭港鐵,見她所拍的照片,相當熟練以手機版八達通入閘,入到車廂側企埋一邊照顧囡囡,與大眾市民乘車時的模樣沒有分別。

黎姿由中環入閘。

在帖文中留言叫人估「下一站_____?」的黎姿,雖然未有開估所到目的地,但不少網民留言想在車廂中與她巧遇。而黎姿入閘時見到其身後的歷山大廈出口,相信她是由中環入閘,而乘車時其後方的車站顯示牌,箭嘴指往金鐘方向,未知是否帶囡囡返公司呢?其實黎姿已非首次帶小朋友搭公共交通工具,早於5月時,她曾陪三個囡囡坐渡海小輪。

黎姿留言「下一站_____?」

二人企埋一邊,免被人撞親。

睇幾時到站。

黎姿早前曾帶三個女兒坐小輪。

黎姿多年來Keep得好。