為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 09 月 08 日

三年抱三 陳嘉寶大住肚去上堂

陳嘉寶昨日撇低一對寶貝女與老公過二人世界。

現在31歲的陳嘉寶(Anjaylia)在2017年與初戀男友黃頌祈(Epaphras)結婚,婚後誕下大女兒Hosanna與細女Eliana,早前宣佈「三年抱三」,第三胎預產期於今年底。Anjaylia今次的孕期十分舒服,加上多得媽媽和奶奶親身主理愛心養胎料理與湯水而增磅了不少,導致醫生也建議她不宜過量飲食,Anjaylia說:「其實三胎都陀得好舒服,今胎都冇乜特別反應,只係大食咗同肥咗,醫生都同我講,以我嘅身形,唔應該食太多,因為怕生唔出,BB太大怕我難生辛苦,我反而要留意食量。」

 

陳嘉寶大住個肚去上堂!

最近家中正進行裝修,兩女又分別開始上學,同時維持工作,Anjaylia也處理得頭頭是道:「我依然繼續work life balance,兩個女都要返學,要一路跟住大女返學嘅嘢,呢兩星期又要開始計劃幫細女報學前班,自己又一路有寫作嘅工作。其實而家陀住BB仲輕鬆,出咗世反而要放好多時間,我成日覺得做媽咪,陀住BB嘅時候係最方便,生咗就有排搞,所以趁而家會繼續做。」

陳嘉寶今次陀得好舒服。

陳嘉寶覺得就算有了小朋友,都要有二人世界。

向來喜歡做自己想的事的Anjaylia,最近報讀了一個跟寫作有關的課程,當旁聽生,初試大肚返學的滋味,她笑說:「大住個肚去大學上堂,喺外國就見好多,我就未試過,都幾得意呀!學多啲嘢係好開心、好期待。完美地諗讀完個課程就可以生嘞,跟住就坐月,之後又睇吓新一個學期有冇機會可以再讀。趁住有時間就選擇自己喜歡做嘅事,追求夢想,係畀小朋友一個教材、一個好榜樣。」昨日Anjaylia更撇低一對寶貝女,與老公過二人世界:「就算結了婚,有了孩子,戀愛還是要談的。不然等寶貝們長大去談自己的戀愛的時候,你才發現跟身邊的人已經聊不起來,那就太遲了。」