為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 09 月 06 日

張文傑為女神梁詠琪獻出第一次

梁詠琪(Gigi)為了新歌《流金歲月》拍攝MV。

  日前梁詠琪(Gigi)為了新歌《流金歲月》MV的拍攝,邀請了動作演員張文傑(German)出演。視Gigi為女神的German,興奮表示:「緊張左幾日,拍攝當日坐車到現場時,仲好緊張,我好耐冇試過咁緊張!我好喜歡睇《初戀無限Touch》,希望有一日做佢既沈志康(陳曉東飾演),仲好記得佢唱:地下鐵碰着他。」

動作演員張文傑(German)。

German初時以為有動作打鬥場面,當導演Maggie告訴他演繹前夫一角,回顧結婚後甜蜜幸福時光畫面,German心情極為複雜:「好興奮又好膽心,除左動作戲份,我一直都想挑戰唔同既角色。但膽心自己演得唔好,因為我從未試過演繹咁溫馨角色。」

German張文傑近日收到Gigi 梁詠琪的邀請。


拍攝當日見到Gigi時,German即時投入:「已經唔可以尷尬,要忘記緊張,只係全程投入,已經當左Gigi 係我最愛既人,望住佢,幻想同佢一齊時候既美好,一路感覺到好甜美。」

 

German演繹Gigi 的前夫。

German感謝導演Maggie:「我想講呢個導演真係好大膽,我有少少懷疑導演係咪認錯人。今次演繹呢個角色,俾人睇到我既另一面,俾人知道German 唔係淨係識得打打殺殺。不過好難抽離角色,因為我掛住Gigi幾日,個心好囉囉攣。」

German演繹前夫一角,回顧結婚後甜蜜幸福時光畫面。