為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 09 月 02 日

恭喜!四代同堂 51歲喬寶寶榮升爺爺

喬家四代同堂好歡欣,寶寶首任爺爺,抱住孫仔喬孝順唔捨得放低。

現年51歲的印裔藝人喬寶寶雖然已經返蘇格蘭定居,但難頂戲癮的他,期間都會回港工作。而3年前見證大仔「印度豹」娶醫生老婆的他當時講明恨抱孫,英國時間8月30日,他的新抱終於順產誕下7磅重兒子喇!恭喜!恭喜!

首度榮升爺爺的喬寶寶抱住孫B開心狂笑,笑到見牙唔見眼,相中見,只有幾日人仔的喬寶寶孫仔,輪廓分明,眼仔長長,雙眼皮好深,是個靚B。

他搞笑地說:「大仔及新抱改咗BB名做Khalson,中文譯名係喬孝順或者喬加薪,用嚟配合返屋企人啲名,包括喬老母、喬老竇、喬寶寶、喬嫂嫂、喬本龍(大仔)、喬寶貝(細仔),我屬意多數改做喬孝順,因為????家啲後生仔唔太留意啲父母,呢個名提示佢要做個孝順仔呀!」

短期內寶寶湊孫為樂唔會返港工作住。

催促兒子三年抱兩追個女

孫仔今日剛剛先從醫院回家,喬寶寶和喬老母及喬本龍、喬寶貝跟Khalson影四代同堂全家福,喬老母更目不轉睛望住個乖孫:「家姐、妹妹都返晒嚟,屋企變得好熱鬧,我老婆、BB爸爸媽媽、我細仔等個個爭住要抱抱,惟有輪住湊,BB集萬千寵愛在一身,????家我都唔捨得離開屋企太耐,加上來港要隔離21日,真係悶喺酒店會精神分裂,所以日後有電影先會返嚟拍。」

21號是BB爸爸生日,到時順道一起慶祝Khalson滿月。他表示,印度家庭有喜,會倒油在大門口左右門角,同時捐助弱勢社群,分享福報。而喬寶寶送了一張BB牀仔給乖孫,喻意可以重用:「我叫咗阿仔快啲追返個女,好似我同二姐咁,年紀只係相差十個半月,三年抱兩咪好囉!但阿仔話要畀老婆休息吓先喎!」

Khalson只係出世幾日,眼仔長長,輪廓分明,雙眼皮仲好深,係個靚B。

喬老母無時無刻都目不轉睛望住個乖孫。

喬寶寶家姐、妹妹都返晒嚟,全家人爭住要抱抱Khalson。