為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 09 月 02 日

首次進軍荷里活 梁朝偉接受國際版雜誌全程用廣東話

偉仔表示今次的角色本身一個大壞蛋。

漫威首部由華人主演的新片《尚氣與十環傳奇》於今日上映,香港影帝梁朝偉首次進軍荷里活,於戲中飾演反派「文武」。戲中一眾演員不時四出為電影進行宣傳,梁朝偉早前接受一本男士雜誌國際版的訪問時,雖然偉仔本身講得一口流利英語,但他竟然選擇全程以廣東話接受訪問,令到不少網民留言覺得驚喜。在訪問上,偉仔分享演出《尚氣》的感受外,還談及多年來演出的難忘角色。

偉仔表示今次的角色本身是一個大壞蛋:「因為大家都知佢係咁嘅人,所以我嘗試喺人性裏面去創作,探討吓佢嘅內心,點解會變成咁嘅人?到佢有咗super power之後,開始搵番佢嘅自尊,但當得到自尊之後,好容易變咗終極自戀狂,聽唔到人哋講乜嘢,亦因為喺戲入面有啲遭遇,佢會將呢啲嘢遷怒喺人哋身上,我覺得好反射到人格,因為呢啲嘢先變咗做大壞蛋,希望大家會睇到啲唔一樣嘅感覺。」

有網民為偉仔以廣東話接受訪問感到驚喜。

重提李安執導的《色,戒》,梁朝偉笑說: 「初初李安搵我,話love scenes,嗰陣我心諗,我都做咗幾十年戲,有love scenes有乜嘢奇,點知到拍攝時先知,嘩,原來係咁大膽。」接着偉仔亦提到與王家衛合作拍《春光乍洩》:「其實我每次同王家衛合作,開頭得到嘅資料都係好少,因為佢嘅工作方式係一路拍,一路發展,最初喺《春光乍洩》嘅角色唔係同性戀,我爸爸先係同性戀,而佢有個情人係張國榮,喺我爸爸過咗身,先知道有呢個人。點知我拍咗好多飲醉酒嘅戲,拍咗一星期左右,王家衛同我講:『你都係演同性戀比較好。』」他續說:「呢個就係我哋嘅相處方式,開始嘅時候唔會有咁多限制,慢慢先去討論。」

偉仔在《色‧戒》有大膽演出。

偉仔亦拍過不少動作戲,當中不得不提當然是與吳宇森和周潤發合作的《辣手神探》,單單是一場醫院戲,他表示起碼拍了超過40日,亦試過被玻璃碎整傷眼睛。後來到了拍《一代宗師》,偉仔被武師不小心弄傷了手:「嗰陣真係好唔甘心,我練咗好耐,已經準備好去拍,點知整斷咗,之後我冇理隻手康復未,走咗去做gym,結果傷口埋得唔好,喺我以為自己好番嘅時候,又畀武師踢斷咗,嗰次之後,就乖乖哋休息咗3個月。」

《辣手神探》。

偉仔拍《一代宗師》曾斷手。