為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 08 月 21 日

拍健康產品廣告見到『不明物體』 鄭世豪求安心:打攪晒各位

鄭世豪拍健康產品廣告時環境佈置到好陰森,以為去錯地方。

在《愛.回家之開心速遞》飾演細龍生的鄭世豪,憑「廢柴」角色入晒屋,早前更獲拍攝電視廣告,宣傳胃部的健康產品 ,但製作團隊卻將現場佈置得像拍恐怖片一樣,而且要求他走入昏暗的房間裡去查看「不明物體」,十分詭異。鄭世豪說:「由細到大我都唔夠膽去睇鬼片,更莫講話拍鬼片,就算有太太陪伴,都唔夠膽去睇。拍廣告嗰日,一早去到拍攝現場,見到陰森恐怖嘅燈光和環境,仲以為自己去錯咗地方!原來導演係想表達出胃痛有幾恐怖,而嗰個『不明物體』只係自己喺廣告中嘅妹妹。」

期間發現「不明物體」,原來是妹妹。

廣告中的妹妹。

不過踏入農曆七月,他直言要拍攝這類題材的場景,總會覺得有點不寒而慄的感覺,他說:「為求心安,拍完之後,我都喺房內同空氣講咗一句『唔好意思,今日打攪晒各位』!」

鄭世豪自言好驚鬼怪事。

他自言拍完之後,跟空氣講了一聲:「打攪晒。」