為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 08 月 18 日

姜濤為新戲減少接Job 笑言貼黑圖事件Anson Lo冇嬲

姜濤決定為新戲減少工作。

MIRROR成員姜濤、王智德(Alton)和ERROR成員何啟華(阿Dee)今日一齊到尖沙咀出席活動,現場逼滿數百粉絲,三子未出場前,已經不斷有fans大叫「姜濤」、「王智德」、「支持何啟華一哥」,場面十分熱鬧。

姜濤將和毛舜筠與柳應廷合作英皇新戲,他現時正為電影作準備,減少接新工作,講到他減少工作即代表減少收入,會否覺得肉赤?Alton即搶答指姜濤的生活重心不是錢,而是靚仔有型,又和阿Dee踢爆他終於學識踩單車,姜濤笑說:「因為新戲入面要踩單車,之前22年都冇刻意去學,噚晚終於學識,原本搵咗朋友教我,但係我自己踩踩下就學識咗。(可以約女仔去踩單車?)我仲未可以車人。」

 

姜濤笑言終於學識踩單車。

Alton笑稱姜濤的生活重心不是錢,而是靚仔有型 。

提到MIRROR最近登上《紐約時報》,姜濤和Alton都表示很開心,能讓亞洲以外的人知道MIRROR,但阿Dee就揚言不開心,稱ERROR都為香港帶來不少歡樂,自嘲外地的粉絲可能偏向冰島和伊朗。

MIRROR最近成為紐約時報的新聞人物,阿Dee揚言不開心。

而講到姜濤早前因在社交網上載Anson Lo(盧瀚霆)的醜照而差點引起反擊戰,他笑說:「佢冇嬲,如果嬲就唔會轉發喇,我Po咗之後都驚佢嬲,有私下問過佢,但Po之前的確係冇問。(你串錯Edan呂爵安的英文名?)我一早知,但已經習慣咗就懶得改。」

姜濤不擔心Anson Lo嬲。