為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 08 月 10 日

老公被批軟飯王 胡杏兒留言反擊護航

胡杏兒同老公李乘德(Philip)於2015年結婚,杏兒入門後即全速為李家開枝散葉,三年抱三,全部都是「慈菇椗」,包括3歲長子Brendan、2歲次子Ryan Lee和只有3個月大的細仔Liam Lee,一家五口生活幸福。

除了好生養,杏兒還好識搵錢,頻頻返內地工作;反而老公Philip就經常在IG上載湊仔的生活日常,日前一拖二去藝人親子活動,昨日又上載3父子穿親子裝一齊出街,到今日又跟兩個仔冒雨出街玩,享盡天淪樂。

不過,溫馨帖文卻引來酸民留言,指Philip是世紀軟飯王,該民網直指:「你真係世紀軟飯王,犀利過袁偉豪。日日喺度湊仔玩樂,老婆就生仔前後都要喺大陸辛苦拍戲。陰功。慘過生仔機器,又要生又要為生活拼搏。你間酒吧去咗邊?」

身為獵頭公司老闆的Philip就霸氣親自回覆︰「多謝關心。可能你唔知,本人用心做嘢做咗幾十年。現在有幾間公司,條隊唔算好大,得幾十人。但托賴,今年的生意唔錯,可以比到少少時間我陪小朋友。家庭和小朋友係最重要。希望你都會明白,酒吧仍然喺度,多謝關心。得閒落去飲杯嘢。我請。祝你健康開心快樂。」不少網民亦力撐他是好爸爸和好老公。

另外,胡杏兒亦留下千字文回應兼力撐老公一向努力工作經營其生意,由始至終保持低調只因為想保護同事、保護身邊的人,絕非遊手好閒,是一個好老公好爸爸。

 

 

Philip經常要做湊仔公,但仍樂在其中。

 

老婆不在港,Philip負責親子樂,是一個百份百的好爸爸。

 

身為獵頭公司老闆的Philip親自回覆網友,指自己的生意不大,只得幾十人,但都可以抽出時間陪伴囝囝。

 

 

 

胡杏兒見老公被攻擊,即留言反擊。

 

該民網直指Philip是世紀軟飯王,犀利過袁偉豪。