奧運搞笑語錄

想做金句王？不一定要學黎明或者黃子華，其實睇奧運節目，主持旁述和激情教練，隨口都妙語連珠，笑到有腹肌。趁東京奧運剛落幕，一起重溫有幾Fun！

 

1.睇佢游水每一下動作都係向前。

2.邊隊入波先，就會踢得舒服啲。

3.呢球入咗，就多一分。

4.我估佢參加得比賽都想贏。

5.一個波點為之快？就係睇慢鏡都覺得快。

6.個浪真係唔夠大，起碼要有啲海嘯咁嘅浪先夠高。

7.個游泳選手喺水底度就要閉氣。

8.佢打到咁出力，一定好想贏。

9.呢個殺波好暴力，根本唔講道理嘅。

10.港女單打好勁。

11.呢位運動員，應該用咗好長時間去預備今次比賽。

12.個波要快，唔一定要用力。

13.佢哋好輕鬆咁輸咗第一局。

14.衝刺，即係衝出嚟刺。

15.如果做到成套組合動作，就會好高分。做唔到就冇咁高分。

16.睇佢身形都知佢為食。

17.見到幸福嚟嗰時，有時係緊張少少嘅，女仔要夠膽攞先得。

18.睇多啲鬼片啦，膽生毛就夠膽贏。

19.呢個加分動作係可以加分。

20.射得準啲嗰隊，係會有優勢。

21.唔輸，我哋就贏o架啦。

22.冇出錯就攞分，有出錯就送分俾人。

23.運動員一喊，啲眼淚水就流晒出嚟。

24.恭喜呢個運動員贏咗，攞到金色嘅金牌。

25.打返個波過去就贏得啦。

26.贏金牌就係游第一嗰個。

27.咁你記住呢一秒，因為下一秒去廣告。

28.開波嗰個就要決定個波去邊。

29.李慧詩跌咗落復活賽，佢一定好想復活。

30.我真係好鍾意你，點算？